1 yaJohane 3:2 - Siswati 1996 Bible

² Batsandzekako, nyalo sibantfwana baNkulunkulu, noko akukabonakali kutsi siyawuba yini. Lesikwatiko kutsi ngesikhatsi achamuka Khristu, siyawuba njengaye, ngobe siyawumbona njengobe anjalo.

1 yaJohane 3:2 Referencias Cruzadas

Jobe 19:26

Ngisho nome umtimba wami sewubhujisiwe, kodvwa noko emtimbeni wami ngiyawumbona Nkulunkulu.

Tihlabelelo 16:11

Uyawungifundzisa indlela yekuphila. Lapho kukhona khona wena kunekujabula lokuphelele. Esandleni sakho sangesekudla kunekujabula phakadze naphakadze.

Tihlabelelo 17:15

Mine-ke ngiyawububona buso bakho, ngobe ngingulolungile, mhlazana ngivuka ngiyakweneliswa bukhona bakho.

Tihlabelelo 31:19

Maye, kuyaphuphuma kulunga kwakho, lokulunga lokugcinele labo labakwesabako, ukwente kulabo labakhosele kuwe, ukubonakalise embikwebantfu.

Isaya 56:5

labo ngiyakubanika sikhumbuto ekhatsi ethempelini lami nasemkhatsini wetibondza talo, ngiyakubanika nelibito lelihle kwengca emadvodzana nemadvodzakati. Ngiyakubanika libito laphakadze, libito lelingasoze laphela nakadzeni.

Malakhi 3:2

Kodvwa ngubani nje longamelana nelilanga lekufika kwakhe? Ngubani longema ekubonakaleni kwakhe? Ngobe uyawufanana nemlilo wemcengi nome nensipho yemgezi.

Matewu 5:8

Babusisiwe labahlantekile enhlitiyweni, ngobe bayawumbona Nkulunkulu.

Lukha 17:30

Kuyawuba njalo nangelilanga leyiyakwembulwa ngalo iNdvodzana yeMuntfu.

Lukha 20:36

Banjengetingilosi, abafi. Bangemadvodzana aNkulunkulu, ngobe sebavusiwe ekufeni.

Johane 1:12

Kepha bonkhe labamemukela, ngekukholwa egameni lakhe, wabapha emandla ekutsi babe bantfwana baNkulunkulu.

Johane 11:52

kungesiso sive kuphela, kepha kuze atekubutsela ndzawonye bantfwana baNkulunkulu, labasakateke nemhlaba wonkhe, babe munye.

Johane 17:24

“Babe, ngifisa kutsi labo longiphe bona nabo babe khona lapho nami ngikhona, kuze batewubona inkhatimulo yami lowangipha yona, ngobe wangitsandza, umhlaba ungakasekelwa.

KubaseRoma 8:16

NguMoya lucobo lofakazelana nemoya wetfu kutsi sibantfwana baNkulunkulu.

KubaseRoma 8:18

Ngiyakholwa kutsi lolusizi lwekuhlupheka lesikulo nyalo lungeke lulinganiswe nenkhatimulo yebukhosi leyakwembulwa kitsi.

KubaseRoma 8:19

Indalo yonkhe ilindzele ngekulangatelela lokukhulu kutsi Nkulunkulu embule emadvodzana akhe.

KubaseRoma 8:29

Ngobe labo labatinchanti Nkulunkulu wabakhetsanchanti kutsi babe nesimo seNdvodzana yakhe kuze yona itewuba litubulo kubazalwane labanyenti.

1 kubaseKorinthe 13:12

Ngobe nyalo sibona esibukweni kaluvitsi, kodvwa ngale siyawubukana buso nebuso. Nyalo ngati lokuncane, kepha ngale ngiyawukwati ngalokuphelele, njengobe ngatiwa ngalokuphelele.

1 kubaseKorinthe 15:49

Futsi-ke njengobe sinelufuto lwalona lowelutfuli, kanjalo siyawuba nelufuto lwalona wasezulwini.

1 kubaseKorinthe 2:9

Kodvwa njengobe kubhaliwe kutsi: “Loko liso lelingazange selikubone, nendlebe lengazange seyikuve, lokungazange kuphume enhlitiyweni yemuntfu, Nkulunkulu wakulungiselela labamtsandzako.”

2 kubaseKorinthe 3:18

Ngako tsine sonkhe lesibuka ngebuso lobembuliwe, inkhatimulo yeNkhosi ibonakala kitsi njengasesibukweni, sibe siguculwa sibe njengaye ngekusuka ezingeni lelitsite lenkhatimulo siye kulelinye lizinga. Ngulowo-ke umsebenti weNkhosi lenguMoya.

2 kubaseKorinthe 4:17

Ngobe lolusizi lwetfu luncane futsi lwesikhashana, lusilungiselela inkhatimulo lengenawulinganiswa, yaphakadze.

KubaseGalathiya 3:26

Ngako-ke nonkhe ningemadvodzana aNkulunkulu ngekukholwa nguKhristu Jesu.

KubaseGalathiya 4:6

Njengobe ningemadvodzana akhe nje, Nkulunkulu usitfumelele Moya weNdvodzana yakhe etinhlitiyweni tetfu lobubula atsi: “Babe, Babe wami.”

KubaseFiliphi 3:21

Nguye loyawugucula simo sebuphansi bemtimba wetfu, ufane nemtimba wakhe wenkhatimulo, ngemandla akhe langahlela ngawo konkhe ngephansi kwakhe.

KubaseKholose 3:4

Mhlazana Khristu, lokuphila kwetfu, abonakaliswa, nani niyawubonakaliswa kanye naye ebukhosini bakhe.

KumaHebheru 9:28

Kanjalo-ke naKhristu, asatinikele kanye kwetfwala tono talabanyenti, uyawubonakala ngekwesibili, asangaseteli sono, kodvwa asetele kuyawusindzisa labo labahlala bamlindzele.

2 yaPhetro 1:4

Ngaleyo ndlela siphiwe tetsembiso letiligugu naletikhulukati, kuze kutsi ngato nibe nenhlanganyelo nesimo sebuNkulunkulu, niphunyule ekubhujisweni kwelive lese lokheleke etinkhanukweni.

1 yaJohane 2:28

Bantfwabami, hlalani kuye, khona kutawutsi nakachamuka sibe nesibindzi sibete emahloni sinyibe kuye ekufikeni kwakhe.

1 yaJohane 2:7

Batsandzekako, anginibhaleli wona umyalo lomusha kodvwa wona lowo lomdzala lenawuva kusukela ekucaleni. Lomyalo lomdzala livi lenaliva.

1 yaJohane 3:1

Ase nibuke lutsandvo lolungaka Babe lasinike lona kutsi sibitwe ngekutsi sibantfwana baNkulunkulu; futsi vele singabo. Ngako-ke live alisati tsine, ngobe alimatanga yena.

1 yaJohane 3:10

Bantfwana baNkulunkulu nebantfwana baSathane babonakala ngaloku: Umuntfu longenti kulunga nalongatsandzi umzalwane wakhe, akasiye waNkulunkulu.

1 yaJohane 3:21

Batsandzekako, nangabe nembeza wetfu angasilahli, sinesibindzi kuNkulunkulu.

1 yaJohane 5:1

Wonkhe umuntfu lokholwa kutsi Jesu unguKhristu, ungumntfwana waNkulunkulu; umuntfu lotsandza umtali, utsandza nemntfwanakhe futsi.

Sembulo 2:28

njengobe nami ngemukele emandla kuBabe. “ ‘Ngiyawumnika inkhanyeti yekusa.

Sembulo 22:4

Tiyawubonana naye buso nebuso; libito lakhe liyawubasemabuntini ato.