1 Tikhronike 9:26 - Siswati 1996 Bible

²⁶ Kodvwa bomahlalesangweni labakhulu labane bemaLevi bona bebanikwe umsebenti wekunakekela emakamelo kanye nengcebo endlini yaNkulunkulu.

1 Tikhronike 9:26 Referencias Cruzadas

2 Emakhosi 7:10

Ngako ase ayahamba ayawubikela tindvuna letibomahlalesangweni belidolobha, atsi: “Singene lapha enkambu yemaSiriya, sakhandza kukhala libhungane, kungekho muntfu, ngaphandle kwemahhashi lakhungiwe, netimbongolo letikhungiwe, nemathende asele anjengobe anjalo.”

1 Tikhronike 9:25

Bomnakabo lababesuka kulemiti yakubo babefika njalo nje kutawubambisana nabo kulemisebenti yekugadza ngemagema emalanga lasikhombisa.

1 Tikhronike 9:27

Babefanele bahlale busuku bonkhe batungelete indlu yaNkulunkulu, ngobe phela bekufanele bayigadze; babephetse ngisho nesikhiya sekuyivula njalo nje ekuseni.

Nehemiya 13:5

abemnikete lenkhulu indlu leyayikadze iyingungu yeminikelo yalokutinhlavu, neyemphepho, neyetintfo tasethempelini, neyekwelishumi kwalokutinhlavu, neyekweliwayini lelisha, neyekwemafutsa labekabelwe emaLevi, nebahlabeli, nabomahlalesangweni kanye naloko lokwakuletselwa baphristi.

Jeremiya 35:2

“Hamba uye emndenini wemaRekhabi, ubameme kutsi bete kulelinye lemakamelo lasemhlubulweni wendlu yaSimakadze, ubanike liwayini kutsi banatse.”

Hezekeli 40:17

Lendvodza yase ingimikisa esibuyeni lesasingephandle. Nalapho ngafike ngabona emakamelo nesiyilo lesasakhiwe kuso sonkhe lesibuya kusitungeleta; kwakunemakamelo langema-30 kulesibuya, embikwawo kwakunelibala lelaliyilwe ngematje.