1 Tikhronike 9:22 - Siswati 1996 Bible

²² Sebabonkhe labakhetselwa kuba bomahlalesangweni etimphundvwini kwaba ngemadvodza langema-212. Babhaliswa ngetitukulwane tabo emitini yabo lababehlala kuyo. Bekuyinkhosi Davide nemphrofethi Samuweli lebababeka kutsi babe tetsenjwa talowo msebenti.

1 Tikhronike 9:22 Referencias Cruzadas

1 Tikhronike 28:13

Wamnika imiyalo macondzana neticheme tebaphristi netemaLevi neyawo wonkhe umsebenti wekukhonta ethempelini laSimakadze, neyato tonkhe timphahla letitawusetjentiswa ekukhonteni.

1 Tikhronike 28:21

Tonkhe ticheme tebaphristi netemaLevi setivele tiwulungele wonkhe lomsebenti welithempeli laNkulunkulu, kantsi wonkhe umuntfu lonenhlitiyo levumako nalonelikhono lekuhlobisa utakusita kuwo wonkhe lomsebenti. Tonkhe tiphatsimandla nesive sonkhe sitakwenta konkhe lositjela kona kutsi sikwente.”

1 Tikhronike 29:29

Imininingwane ngekubusa kwaDavide, kusukela ekucaleni kuze kube ngusekugcineni, kubhaliwe emlandvweni waSamuweli, umboniswa, nasemlandvweni waNathani, umphrofethi, kanye nasemlandvweni waGadi, umboniswa.

1 Tikhronike 9:16

na-Obadiya, umsa waShemaya, umsa waGalali, umsa waJeduthuni, naBherekhiya, umsa wa-Asa, umsa wa-Elkhana, labehlala emitini yemaNethofa.

1 Tikhronike 9:23

Bona kanye netitukulwane tabo babebekwe kutsi bagadze emasango endlu yaSimakadze, lekwakutsiwa lithende.

1 Tikhronike 9:31

UmLevi lekwakutsiwa nguMathithiya, indvodzana leyayilitubulo laShalumi, umKhora, yena umsebenti wakhe bekukubhaka sinkhwa semnikelo.

2 Tikhronike 23:19

Wase umisa bomahlalesangweni emasangweni elithempeli laSimakadze, kuze kutsi kubete namunye longcolile nome ngaluphi luhlobo longangena.

2 Tikhronike 31:15

Abesitwa bo-Edeni, naMiniyamini, naJeshuwa, naShemaya, na-Amariya kanye naShekhaniya, bamelekelela ngekwetsembeka kulamadolobha ebaphristi, babela laba labanye baphristi ngekweticheme tabo, labadzala nalabancane ngalokufananako.

2 Tikhronike 31:18

Babefaka ekhatsi bonkhe ngisho nalabancane babo, nebafati babo, nemadvodzana abo, nemadvodzakati abo, kuso sonkhe leso sigodzi sabo, njengobe kubhaliwe etincwadzini temilandvo yekutalana kwabo. Babetsembekile ekutingcweliseni kwabo.

Nehemiya 11:36

Letinye ticheme temaLevi akaJuda takha kulakaBhenjamini.

Nehemiya 12:44

Ngaleso sikhatsi kwabekwa emadvodza labetakwengamela tingungumakamelo teminikelo, netetilinga kanye netekwelishumi. Lamadvodza abebekelwe kutsi abutse iminikelo yebaphristi neyemaLevi kubo bonkhe balimi lababesedvutane nemadolobha, akuletse kuletingungumakamelo, tonkhe tabelo tebaphristi netemaLevi letatifunwa ngumtsetfo. Sonkhe sive semaJuda saseneliswa yinkonzo yebaphristi neyemaLevi.

1 Samuweli 9:9

Kadzeni ka-Israyeli nangabe umuntfu aye kuyawubuta kuNkulunkulu, abetsi: “Kota, siye kumboniswa,” ngobe umphrofethi wangaleso sikhatsi abebitwa ngekutsi ngumboniswa.