1 Tikhronike 7:29 - Siswati 1996 Bible

²⁹ Titukulwane takaManase ngito letatiphetse lamadolobha: iBhethi Shani, neThanaki, neMegido, neDori kanye nemiti yawo. Titukulwane takaJosefa, umsa wa-Israyeli, tatihlala kulamadolobha.

1 Tikhronike 7:29 Referencias Cruzadas

1 Emakhosi 4:12

Bhana, umsa wa-Ahiludi, abesikhulu saseThanaki, naseMegido, nakulo lonkhe lase Bhethi Shani, ngaseSarethani ngentasi kweJezreyeli, kusuka eBhethi Shani, kuze kuyewufika e-Abela Mehola, nangesheya kubheka ngaseJokmeyamu.

1 Emakhosi 9:15

Lona ngumlandvo wenkhosi Solomoni ngekubutsekisa kwakhe bantfu nekubasebentisa kwakhe ngenkhani ekwakheni lithempeli laSimakadze, nesigodlo sakhe, nasekwakheni tibebesi, nasekwakheni lubondza lwaseJerusalema, neHasori, neMegido kanye neGezeri.

2 Emakhosi 23:29

Ngesikhatsi Josaya ayinkhosi, Faro Nekho, inkhosi yaseGibhithe, wenyuka wayawusita inkhosi yase-Asiriya ngasemfuleni iYufrathe. Inkhosi Josaya yamhlangabeta, imphi yabambana etulu, kodvwa Nekho wabhekana naJosaya, wambulalela eMegido.

2 Emakhosi 9:27

Watsi kube Ahaziya, inkhosi yakaJuda, akubone konkhe lokwase kwentekile, wabaleka ngemgwaco wacondza eBhethi Hagani. Jehu wamcosha, amemeta, atsi: “Mbulaleni naye!” Bamgwaza asesencoleni yakhe emanceba lamabi ngesikhatsi asabaleka ngemgwaco loya eGuri ngaseJibleyamu, kodvwa noko wabaleka wangenisa eMegido, wafike wafela khona.

2 Tikhronike 35:22

Kodvwa Josaya akazange afune kugucuka, wesuka watigucula tembatfo takhe wangena emphini, walwa naye. Akazange alalele loko lokwakushiwo nguNekho ngekuyalwa nguNkulunkulu, kodvwa wachubeka wayakulwa naye emphini yaseMegido.

Zakhariya 12:11

Ngalelo langa kulila kwaseJerusalema kuyakuba kukhulu, kube njengekulila kwaHadadi Rimoni etsafeni laseMegido.

Sembulo 16:16

Lemimoya yabutsela ndzawonye emakhosi endzaweni lekutsiwa yi-Amagedoni ngesiHebheru.

Tikhulu 5:19

“Emakhosi eta, alwa; emakhosi aseKhenani alwa khona eThanaki ngasemitfonjeni yaseMegido, kodvwa abetfwalanga siliva, ngisho nemphango.

1 Samuweli 31:10

Afaka tikhali takhe ethempelini la-Ashtarothe, abetsela sidvumbu sakhe elubondzeni lwaseBhethi Shani.