1 Tikhronike 5:26 - Siswati 1996 Bible

²⁶ Ngako Nkulunkulu wema-Israyeli wacunula inhlitiyo yaPhuli, inkhosi yase-Asiriya, lekwakunguThiglathi Phileseri, inkhosi yase-Asiriya, watfumba bakaRubeni, nebakaGadi kanye nencenye yesive sakaManase, wabadzingisa. Wabatsatsa wabayisa eHala, naseHabori, naseHara, nasemfuleni iGozani, lapho basekhona khona ngisho nalamuhla loku.

1 Tikhronike 5:26 Referencias Cruzadas

2 Samuweli 24:1

Lulaka lwaSimakadze lwasivutsela sive sema-Israyeli, wachukuluta Davide kutsi abavukele, watsi: “Hamba uyewubala bonkhe baka-Israyeli nebakaJuda.”

2 Emakhosi 15:19

Thiglathi Phileseri, inkhosi yase-Asiriya, wahlasela lelive, Menahemu wamnika emakhilogremu labengaba ti-34 000 esiliva, atincengela kutsi amsimise embusweni wakhe.

2 Emakhosi 15:29

Ngesikhatsi saPhekha, inkhosi yaka-Israyeli, Thiglathi Phileseri, inkhosi yase Asiriya, yefika yatfumba i-Ijoni, ne-Abela Bhethi Makha, neJanowa, neKhedeshi kanye neHasori. Watfumba iGileyadi, neGalile, nalo lonkhe live lakaNaftali, bantfu wabatfumba wabayisa e-Asiriya.

2 Emakhosi 16:7

Ahazi watfumela tigijimi kuyawutjela Thiglathi Phileseri, inkhosi yase-Asiriya, watsi: “Ngiyinceku lesisebenti sakho. Khuphuka utengephula etandleni tenkhosi yaseSiriya nasenkhosini yaka-Israyeli, naba bangihlasela.”

2 Emakhosi 17:6

Kwatsi ngemnyaka wemfica wekubusa kwaHosheya, inkhosi yase-Asiriya yatfumba iSamariya, yase itfumba baka-Israyeli yabayisa e-Asiriya. Yabeka labanye eHala, labanye eGozani ngasemfuleni iHabori, nalabanye emadolobheni emaMede.

2 Emakhosi 18:11

Inkhosi yase-Asiriya yatfumba baka-Israyeli yabayisa e-Asiriya, labanye yafike yababeka eHala, labanye eGozani ngasemfuleni iHabori, nalabanye emadolobheni emaMede.

2 Emakhosi 19:12

Labonkulunkulu betive letabhujiswa bobabemkhulu, batikhulula yini letive tabo, bonkulunkulu baseGozani, nebaseHarani, nebaseResefu kanye nebebantfu base-Edeni lababeseThelasari?

1 Tikhronike 5:22

Linyenti labulawa, ngobe lemphi beyiyaNkulunkulu. Lelo live balidla, bahlala kulo kwaze kwaba sikhatsi sekudzingiswa kwabo.

1 Tikhronike 5:6

umsa wakhe kunguBhera, lowatfunjwa nguThiglathi Phileseri, inkhosi yase-Asiriya; Bhera abengumholi wesive sakaRubeni.

1 Tikhronike 9:1

Bonkhe bantfu baka-Israyeli babalwa ngekwemindeni yabo, njengobe kubhaliwe encwadzini yemakhosi aka-Israyeli. Sive sakaJuda sona sase sitfunjelwe eBhabhulona ngenca yekungetsembeki kwaso.

2 Tikhronike 28:20

Thiglathi Phileseri, inkhosi yase-Asiriya, weta kuye, kodvwa wamnika inhlupheko esikhundleni selusito.

2 Tikhronike 30:6

Inkhosi yakhipha tigijimi, talihamba lonkhe laka-Israyeli nelakaJuda tiphetse tincwadzi letatiphuma kuyo nakutiphatsimandla tayo, letatitsi: “Sive sonkhe saka-Israyeli, buyelani kuSimakadze Nkulunkulu wa-Abrahama, na-Isaka, na-Israyeli, khona atewubuyela kini, nine lenisele ngekuphunyula esandleni semakhosi ase-Asiriya.

2 Tikhronike 33:11

Ngako Simakadze wehlisela etikwabo libutfo letindvuna temphi tenkhosi yase-Asiriya, tefika tatfumba Manase, tamfaka lihhuka lapha ekhaleni, tambopha ngetinketane telitfusi, tahamba naye tammikisa eBhabhulona.

Ezra 1:5

Kwatsi baholi bemindeni yakaJuda neyakaBhenjamini, nebaphristi, nemaLevi, nabo bonkhe Nkulunkulu latsintsa tinhlitiyo tabo kutsi bahambe bayewulakha lithempeli laSimakadze, batilungiselela kwenyukela eJerusalema.

Isaya 37:12

Labonkulunkulu betive letabhujiswa bobabemkhulu, batikhulula yini letive tabo, bonkulunkulu baseGozani, nebaseHarani, nebaseResefu kanye nebebantfu base-Edeni lababeseThelasari?

Isaya 37:18

“Kuliciniso kona, Simakadze, kutsi emakhosi ase-Asiriya atibhubhisile tonkhe letive kanye nemave ato.