1 Tikhronike 5:2 - Siswati 1996 Bible

² Noko kwase kuba nguJuda lowaba sive lesasinemandla kakhulu, ngiso lesabe sesitala umbusi wato tonkhe tive tema-Israyeli, nome nje emalungelo ebutubulo abenikwe Josefa.

1 Tikhronike 5:2 Referencias Cruzadas

Genesisi 25:31

Kodvwa Jakobe watsi: “Ngitsengisele lifa lakho lebutubulo, kucala.”

Genesisi 35:23

Emadvodzana aLeya bekuboRubeni, litubulo laJakobe, bese kuba nguSimeyoni, naLevi, naJuda, na-Isakhari, naZebuloni.

Genesisi 48:5

Wachubeka watsi: “Lamadvodzana akho lamabili lowawatalelwa lapha eveni laseGibhithe ngisengakafiki mine, nguwona awami. Efrayimu naManase batawuba bami, njengobe Rubeni naSimeyoni babami.

Genesisi 49:26

Tibusiso teyihlo tinemandla kunetibusiso letiphuma etintsabeni taphakadze, tendlula ngisho nenala yasetintsabeni. Shangatsi tonkhe letibusiso tingehlela etikwaJosefa nasebuntini lakhe lowehlukaniswa kubomnakabo.

2 Samuweli 8:15

Davide wawabusa onkhe ema-Israyeli, enta loko lokulungile kubo bonkhe bantfu bakhe.

1 Tikhronike 28:4

“Noko Simakadze, Nkulunkulu wema-Israyeli, wakhetsa mine endlini yaketfu kutsi ngibe yinkhosi yema-Israyeli phakadze naphakadze. Wakhetsa Juda kutsi abe ngumholi. Kwatsi elusendvweni lwakaJuda wakhetsa umndeni waketfu. Emkhatsini wemadvodzana ababe wajabulela kutsi akhetse mine angente inkhosi yema-Israyeli.

Tihlabelelo 108:8

Wami Gileyadi, wami naManase, Efrayimu usivikelo senhloko yami, Juda yintfonga yami yekubusa.

Tihlabelelo 60:7

Live laGileyadi lami, nelive laManase lami, Efrayimu usivikelo senhloko yami, Juda uyindvuku yami yebukhosi.

Mikha 5:2

Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”

Numeri 2:3

“Ngasemphumalanga kufanele kukambe ticheme tenkambu lenesiboniso sebuve bakaJuda. Umholi wesive sakaJuda nguNasoni, umsa wa-Aminadabi.

Numeri 7:12

Lowaletsa umnikelo wakakhe ngelilanga lekucala kwaba nguNasoni, umsa wa-Aminadabi, wesive sakaJuda.

Matewu 2:6

“ ‘Nawe, Bhetlehema, live lakaJuda, awumncane kangako kunebabusi bakaJuda; ngobe kuwe kuyawuphuma umbusi loyakwelusa sive sami sema-Israyeli.’ ”

KubaseRoma 8:29

Ngobe labo labatinchanti Nkulunkulu wabakhetsanchanti kutsi babe nesimo seNdvodzana yakhe kuze yona itewuba litubulo kubazalwane labanyenti.

Dutheronomi 21:17

Kufanele iyemukele lendvodzana letalwa ngulesaliwakati sayo kutsi ilitubulo ngekuyinika sabelo sayo lesiphindvwe kabili kuko konkhe lenako. Leyo ndvodzana nguyona iluphawu lwekucala lwemandla eyise. Lilungelo lebutubulo layo.”

Dutheronomi 33:17

Litubulo lakhe lenkunzi linebukhosi, timphondvo takhe tenyatsi. Ngaletimphondvo uyawudvungulula tonkhe tive kanyekanye, kuze kufike emaphetselweni emhlaba. Banjalo baka-Efrayimu, batinkhulungwane tetinkhulungwane. Banjalo nabakaManase, batinkhulungwane.”

KumaHebheru 7:14

Ngobe kuyakhanya kutsi iNkhosi yetfu yatalwa esiveni sakaJuda, kunjalo nje naMosi akazange akhulume ngebaphristi bakuleso sive.

Joshuwa 14:6

Emadvodzana akaJuda aya kuJoshuwa eGilgali, Khalebi, umsa waJefune, umKhenizi, wafike watsi: “Uyati kutsi Simakadze watsini ngawe nami, kuMosi, inceku yaNkulunkulu, eKhadeshi Bhaneya?

Sembulo 5:5

Lelinye lalamalunga latsi kimi: “Ungakhali! Asubuke! INgwenyama yesive sakaJuda, lengumliba waDavide incobile. Yona-ke ingaticatulula letimphawu letisikhombisa ivule lencwadzi.”

Tikhulu 1:2

Simakadze wawaphendvula watsi: “BakaJuda abenyuke; lelive ngilinikele etandleni tabo.”

1 Samuweli 16:1

Simakadze wakhuluma kuSamuweli, watsi: “Utamkhalela kuze kube ngunini Sawula, ngobe sengimalile kutsi abe yinkhosi yema-Israyeli? Gcwalisa luphondvo lwakho ngemafutsa, ungenele indlela yakho. Ngikutfuma endlini yakaJese waseBhetlehema, ngobe ngitikhetsele lomunye wemadvodzana akhe kutsi abe yinkhosi.”

1 Samuweli 16:10

Jese wendlulisa emadvodzana akhe lasikhombisa embikwaSamuweli, kodvwa Samuweli watsi kuye: “Nalawa Simakadze akawakhetsi.”

1 Samuweli 16:12

Ngako Jese wase uyatfumela, yalandvwa, nayo yangeniswa kuye. Yayibovana inebuso lobuhle itsandzeka. Simakadze watsi: “Sukuma umgcobe, ngobe nguye yena lowo.”