1 Tikhronike 28:4 - Siswati 1996 Bible

⁴ “Noko Simakadze, Nkulunkulu wema-Israyeli, wakhetsa mine endlini yaketfu kutsi ngibe yinkhosi yema-Israyeli phakadze naphakadze. Wakhetsa Juda kutsi abe ngumholi. Kwatsi elusendvweni lwakaJuda wakhetsa umndeni waketfu. Emkhatsini wemadvodzana ababe wajabulela kutsi akhetse mine angente inkhosi yema-Israyeli.

1 Tikhronike 28:4 Referencias Cruzadas

2 Samuweli 5:3

Batsi kube befike bonkhe baholi bema-Israyeli enkhosini Davide eHebroni, inkhosi yenta nabo sivumelwane eHebroni embikwaSimakadze; base bagcoba Davide kutsi abe yinkhosi yema-Israyeli.

1 Tikhronike 17:23

“Manje-ke, Simakadze, sale usigcina setsembiso sakho losentile macondzana nenceku yakho kanye nendlu yayo sime phakadze naphakadze. Yenta njengobe wetsembisile,

1 Tikhronike 17:27

Manje-ke shangatsi kungakujabulisa kubusisa indlu yenceku yakho kuze ichubeke njalo embikwakho; ngobe wena Simakadze uyibusisile, futsi iyawubusiseka phakadze naphakadze.”

1 Tikhronike 5:2

Noko kwase kuba nguJuda lowaba sive lesasinemandla kakhulu, ngiso lesabe sesitala umbusi wato tonkhe tive tema-Israyeli, nome nje emalungelo ebutubulo abenikwe Josefa.

2 Tikhronike 6:6

Kodvwa nyalo sengikhetse iJerusalema kutsi Libito lami libe lapho, ngakhetsa naDavide kutsi abuse sive sami, ema-Israyeli.’

Tihlabelelo 108:8

Wami Gileyadi, wami naManase, Efrayimu usivikelo senhloko yami, Juda yintfonga yami yekubusa.

Tihlabelelo 18:19

Wangikhiphela endzaweni lebanti; wangephula, ngobe abejabula ngami.

Tihlabelelo 60:7

Live laGileyadi lami, nelive laManase lami, Efrayimu usivikelo senhloko yami, Juda uyindvuku yami yebukhosi.

Tihlabelelo 89:4

‘Ngiyawumisa intalo yakho phakadze naphakadze, ngikwakhele sihlalo sakho sebukhosi etitukulwaneni ngetitukulwane.’ ” Cabanga.

KumaHebheru 7:14

Ngobe kuyakhanya kutsi iNkhosi yetfu yatalwa esiveni sakaJuda, kunjalo nje naMosi akazange akhulume ngebaphristi bakuleso sive.

1 Samuweli 16:1

Simakadze wakhuluma kuSamuweli, watsi: “Utamkhalela kuze kube ngunini Sawula, ngobe sengimalile kutsi abe yinkhosi yema-Israyeli? Gcwalisa luphondvo lwakho ngemafutsa, ungenele indlela yakho. Ngikutfuma endlini yakaJese waseBhetlehema, ngobe ngitikhetsele lomunye wemadvodzana akhe kutsi abe yinkhosi.”

1 Samuweli 26:1

Bantfu labatsite baseZifu bahamba baya kuSawula eGibeya, bafike babika batsi: “Davide ubhace egcumeni lekutsiwa yiHakhila lebhekene nelihlane.”