1 Tikhronike 28:2 - Siswati 1996 Bible

² Inkhosi Davide yasukuma yema ngetinyawo, yatsi: “Lalelani kimi, nine bomnaketfu nesive sakitsi. Bekuvele kusenhlitiyweni yami kutsi ngakhe indlu letawuba yindzawo lapho kutawuphumula khona libhokisi lesivumelwane saSimakadze, senabelo setinyawo taNkulunkulu wetfu; lawo malungiselelo bese ngivele ngiwentile.

1 Tikhronike 28:2 Referencias Cruzadas

Genesisi 48:2

Wase uyabikelwa Jakobe kwatsiwa: “Indvodzana yakho, Josefa, seyifikile itekuvusela.” Israyeli waticinisa abuyisa emandla akhe, wavuka wahlala ngetibunu embhedzeni.

1 Emakhosi 1:47

ngisho netindvuna tasebukhosini setifikile kutawuhalalisela inkhosi yetfu, Davide, tafike tatsi: ‘Shangatsi Nkulunkulu wakho angenta libito laSolomoni lidvume, latiwe kakhulu kunelakho, nesihlalo sakhe sebukhosi sibe sikhulu kakhulu kunesakho!’ Nenkhosi ivele yakhotsama khona embhedzeni wayo,

1 Emakhosi 5:3

“Nawe uyati kutsi ngenca yetimphi letatihlasela babe Davide yonkhe indzawo, wehluleka kwakha lithempeli lekukhontela Simakadze Nkulunkulu wakhe, ngesikhatsi Simakadze asengakatibeki titsa takhe ngaphansi kwetinyawo takhe.

1 Tikhronike 17:4

“Hamba utjele inceku yami Davide, utsi: ‘Naku lokushiwo nguSimakadze, utsi: Akusiwe lotangakhela indlu lapho ngitawuhlala khona.

1 Tikhronike 22:14

“Kungibite imijuluko leshisako kutsi ngente emalungiselelo ekwakhiwa kwelithempeli laSimakadze, ngicokelele igolide lengemathani langetulu kweti-3 400, nesiliva lengemathani langetulu kweti-34 000. Ngetulu kwaloko kunetincumbi telitfusi kanye netensimbi letingeke tikaleke. Futsi-ke nginetingodvo nematje lasalungiswe kahle, kodvwa-ke kufuneka ukwengete.

1 Tikhronike 22:6

Davide wase ubita indvodzana yakhe Solomoni wayitjela kutsi ibokwakha indlu, iyakhele Simakadze longuNkulunkulu wema-Israyeli.

1 Tikhronike 22:7

Davide watsi kuSolomoni: “Msawami, benginesifiso enhlitiyweni yami sekutsi ngakhe indlu, ngiyakhele Libito laSimakadze Nkulunkulu wami.

1 Tikhronike 6:31

Lawa bekungemadvodza Davide lawabeka kutsi engamele kuhlabelela endlini yaSimakadze, nase kufakwe libhokisi lesivumelwane kuyo.

2 Tikhronike 6:7

“Babe wami Davide abenaso leso sifiso enhlitiyweni yakhe, kutsi akhe lithempeli, alakhele Libito laSimakadze, Nkulunkulu wesive sema-Israyeli.

Tihlabelelo 110:1

Simakadze watsi enkhosini yami: “Hlala lapha ngesekudla sami, ngize ngifake titsa takho ngaphansi kwetinyawo takho.”

Tihlabelelo 132:14

“Lena yindzawo yami yekuphumula, ngiyawuhlala kuyo phakadze naphakadze; lena yindzawo lengifuna kuyibusa.

Tihlabelelo 132:2

Khumbula tifungo takhe kuSimakadze, netetsembiso latenta kuSomandla waJakobe nakatsi:

Tihlabelelo 22:22

Ngiyawulimemetela kubomnaketfu libito lakho ngikudvumise emkhatsini welibandla, ngitsi:

Tihlabelelo 99:5

Phakamisani Simakadze, Nkulunkulu wetfu, nikhuleke kuso senabelo setinyawo takhe, yena ungcwele.

Isaya 60:13

“Tihlahla telikhetselo taseLebanoni tiyakuta kuwe, sipheshula, nemferi, nemsayipuresi konkhe kanyekanye, kutewuhlobisa indzawo yami lengcwele. Ngiyakuyikhatimulisa indzawo yetinyawo tami.

Isaya 66:1

Naku lokushiwo nguSimakadze, utsi: “Lizulu lisihlalo sami sebukhosi, umhlaba usenabelo setinyawo tami. Iphi-ke lendlu leningangakhela yona? Itawuba kuphi-ke indzawo yami yekuphumula?

Sililo 2:1

Maye! Simakadze uyimbonye kanjani iNdvodzakati yaseSiyoni ngelifu lentfukutselo yakhe! Ubudzaceke phansi bukhosi baka-Israyeli, busuka ezulwini buya emhlabeni. Akazange asikhumbule senabelo setinyawo takhe ngelilanga lentfukutselo yakhe.

Hezekeli 43:7

Wakhuluma kimi, watsi: “Ndvodzana yemuntfu, lena yindzawo yesihlalo sami sebukhosi nendzawo yekwenabela tinyawo tami. Ngulapha-ke lapho ngitawuhlala khona emkhatsini wema-Israyeli kuze kube phakadze. Indlu yaka-Israyeli ingeke iphindze ilihlambalate Libito lami lelingcwele, yona kanye nemakhosi ayo, ngebugwadla bayo nangetithico letingaphili temakhosi ayo etindzaweni tayo letiphakeme.

Matewu 25:16

“Masinyane lesi lesemukela lasihlanu sawatalisa, saze satfola lamanye lasihlanu.

Imisebenti yebaPhostoli 7:49

“ ‘Nkulunkulu utsi: “Lizulu lisihlalo sami, umhlaba senabelo setinyawo tami. Yindlu lenjani leningayakhela mine? Iphi indzawo lapho ngingaphumula khona?

Dutheronomi 17:15

nibocaphela-ke kutsi nibeka leyo nkhosi Simakadze Nkulunkulu wenu layikhetsako. Kufanele leyo nkhosi ikhetfwe emkhatsini webanakenu. Ningacali nibeke wetive kutsi abe yinkhosi yenu, kantsi akasiye um-Israyeli wengati.

Dutheronomi 17:20

ingacali iticabange kutsi yona incono kunebanakabo, bese iyaphambuka emtsetfweni, iye ngesekudla nome ngesancele. Nayilandzelisisa onkhe emavi alomtsetfo naletimiso, yona nemadvodzana ayo batawubusa sikhatsi lesidze ka-Israyeli.”