1 Tikhronike 26:14 - Siswati 1996 Bible

¹⁴ Inkatho yelisango langasemphumalanga yadla Shelemiya. Kwentiwa inkatho yaZakhariya, umsa wakhe, umeluleki labenekuhlakanipha, yadla yena kutsi agadze lisango langasenyakatho.

1 Tikhronike 26:14 Referencias Cruzadas

1 Tikhronike 26:13

Lelo nalelo sango lentelwa inkatho, kuze kutewutfolakala kutsi ngumuphi umndeni lekufanele uligadze, labancane nalabadzala ngalokufanako.

1 Tikhronike 26:15

Inkatho yelisango langaseningizimu yadla Obedi Edomu, kwatsi inkatho yengungumakamelo yadla emadvodzana akhe.

1 Tikhronike 26:9

Meshelemiya abenemadvodzana kanye netihlobo letatinelikhono, babeli-18 sebabonkhe.

1 Tikhronike 9:21

Zakhariya, umsa waMeshelemiya, naye abengumahlalesangweni ekungeneni kwelisango lelithende lekuhlangana.

1 Tikhronike 9:24

Labomahlalesangweni babebekwe kuyo yonkhe lemihlubulo lemine: ngasemphumalanga, nangasenshonalanga, nangasenyakatfo, nangaseningizimu.

2 Tikhronike 31:14

Khore, umsa waJimna, umLevi, umgadzi weLisango langaseMphumalanga, yena abengamele leminikelo yesihle leyayiletfwa kuNkulunkulu, nguye bekaba iminikelo leletfwa kuSimakadze kanye netipho letingcwele.

Ezra 8:16

Ngase ngibita Eliyezeri, na-Ariyeli, naShemaya, na-Elnathani, naJaribi, na-Elnathani, naNathani, naZakhariya, kanye naMeshulamu, lababebaholi, bebakanye nebafundzisi lekwakuboJoyaribi na-Elnathani.