1 Tikhronike 26:12 - Siswati 1996 Bible

¹² Labomahlalesangweni behlukaniswa baba ticheme ngeticheme, ngebaholi bemindeni yabo, base babelwa imisebenti letsite ekukhonteni Simakadze ethempelini, njengobe bekwenta lamanye emaLevi.

1 Tikhronike 26:12 Referencias Cruzadas

2 Emakhosi 7:10

Ngako ase ayahamba ayawubikela tindvuna letibomahlalesangweni belidolobha, atsi: “Singene lapha enkambu yemaSiriya, sakhandza kukhala libhungane, kungekho muntfu, ngaphandle kwemahhashi lakhungiwe, netimbongolo letikhungiwe, nemathende asele anjengobe anjalo.”

1 Tikhronike 25:8

Labadzala nalabancane, ngisho labafundzisako kanye nalabafundzako, benta inkatho, benta emagema ekusebenta kwabo.

1 Tikhronike 26:11

Wesibili bekunguHilkiya, wesitsatfu kunguThabaliya, wesine kunguZakhariya. Emadvodzana kanye netihlobo taHosa babeli-13 sebabonkhe.

1 Tikhronike 26:13

Lelo nalelo sango lentelwa inkatho, kuze kutewutfolakala kutsi ngumuphi umndeni lekufanele uligadze, labancane nalabadzala ngalokufanako.

1 Tikhronike 9:23

Bona kanye netitukulwane tabo babebekwe kutsi bagadze emasango endlu yaSimakadze, lekwakutsiwa lithende.

2 Tikhronike 31:14

Khore, umsa waJimna, umLevi, umgadzi weLisango langaseMphumalanga, yena abengamele leminikelo yesihle leyayiletfwa kuNkulunkulu, nguye bekaba iminikelo leletfwa kuSimakadze kanye netipho letingcwele.

2 Tikhronike 35:15

Bahlabeli, batukulu ba-Asafa, babesetindzaweni letatilawulwe nguDavide, bo-Asafa, naHemani, naJeduthuni, baboniswa benkhosi. Bomahlalesangweni, kulelo nakulelo sango, kwakungenasidzingo sekutsi besuke lapho bakhona, ngobe labahlobo babo, emaLevi, babentela onkhe emalungiselelo.