1 Tikhronike 23:4 - Siswati 1996 Bible

⁴ Davide watsi: “Emkhatsini walaba: labati-24 000 batakwengamela kwakhiwa kwelithempeli laSimakadze, labati-6 000 bona batawuba tindvuna nebehluleli.

1 Tikhronike 23:4 Referencias Cruzadas

1 Tikhronike 6:48

Laba labanye bomnakabo lababengemaLevi bona bebanikwe leminye imisebenti ethendeni lekuhlangana, lekwakuyindlu yaNkulunkulu.

2 Tikhronike 19:8

Ngisho naseJerusalema Jehoshafati wabeka lamanye emaLevi, nebaphristi kanye nebaholi bemindeni yaka-Israyeli kutsi basebentise umtsetfo waSimakadze nekutsi balamule imibango yalababehlala khona eJerusalema.

2 Tikhronike 23:18

Jehoyada wase ubeka baphristi lababengemaLevi kutsi kube ngubona bengameli belithempeli laSimakadze, Davide labebeke kubo umsebenti ethempelini kutsi betfule umnikelo wekushiswa kuSimakadze njengobe kubhaliwe emtsetfweni waMosi, ngekujabula nangekuhlabela, njengobe kwakushito Davide.

2 Tikhronike 34:13

wona abeluse laba labasebentako, engamele tonkhe tisebenti kusuka kulomsebenti kuye kulowa. Lamanye emaLevi abebomabhalane, nebabhali, nabomahlalesangweni.

Nehemiya 11:22

Indvuna lenkhulu yemaLevi labeseJerusalema bekungu-Uzi, umsa waBani, umsa waHashabiya, umsa waMathaniya, umsa waMikha. Uzi abengulomunye webatukulu ba-Asafa lababehlabela endlini yaNkulunkulu.

Nehemiya 11:9

Joweli, umsa waZikhri, abeyindvuna yabo lenkhulu, Juda, umsa waHasenuwa, abengamele Sifundza Sesibili salelidolobha.

Hezekeli 44:24

“ ‘Kuyo yonkhe imibango, baphristi kufanele babe behluleli, bakhiphe sincumo lesihambisana netimiso tami. Kufanele bayigcine imitsetfo yami netimiso tami tayo yonkhe imikhosi yami lebekiwe, bagcine nemaSabatha ami angcwele.

Malakhi 2:7

“Ngobe tindzebe temlomo wemphristi kufanele tilondvolote lwati, emlonyeni wakhe kufanele bantfu bafune sifundziso semtsetfo wami, ngobe phela yena usitfunywa saSimakadze longuSomandla.

Imisebenti yebaPhostoli 20:28

Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.

Dutheronomi 16:18

“Khetsani behluleli kanye netindvuna tetinkhundla taleso naleso sive kuwo onkhe emadolobha enu Simakadze Nkulunkulu lanipha wona. Ngibo labayakwehlulela ngekungakhetsi.