1 Tikhronike 23:23 - Siswati 1996 Bible

²³ Emadvodzana aMushi: BekuboMahali, na-Ederi, naJerimothi, babatsatfu sebabonkhe.

1 Tikhronike 23:23 Referencias Cruzadas

1 Tikhronike 23:22

Eleyazare wafa ate bantfwana labadvuna, abenemantfombatana odvwa. Bomnakabo, emadvodzana aKhishi, bawatsatsa bawenta bafati babo.

1 Tikhronike 23:24

Lena-ke bekuyintalelwane yaLevi ngemindeni yawo, tinhloko temindeni, njengobe tatibhaliswe ngemabito tabalwa ngayinye ngayinye, lokusho labo labebangasebenta, kusukela kulababeneminyaka lengema-20 kuya etulu, labo labebakhonta ethempelini laSimakadze.

1 Tikhronike 24:30

Emadvodzana aMushi bekuboMahali, na-Ederi, naJerimothi. Lawa-ke bekungemaLevi njengekwetindlu tawo.

2 Tikhronike 35:4

Tilungiseleni ngemindeni yenu njengekuma kweticheme tenu, nanjengobe kukhonjiwe kulencwadzi leyabhalwa nguDavide, inkhosi yema-Israyeli, nayindvodzana yakhe Solomoni.

2 Tikhronike 8:14

Ngaloko abelandzela imiyalo yeyise Davide, wemisa ticheme tebaphristi wabaniketa nemisebenti yabo, nemaLevi kutsi ahole kubonga abuye abambisane nebaphristi kuloko lokwakudzingeka ngawo onkhe emalanga. Wabuye wabeka nabomahlalesangweni ngeticheme tabo, njengekwehlukana kwalamasango. Loko kwaba njengaloku Davide, inceku yaNkulunkulu, abeshito.

Eksodusi 6:19

Emadvodzana aMerari bekuboMahali naMushi. Leyo-ke bekungimindeni yakaLevi kanye netitukulwane tayo.