1 Tikhronike 22:3 - Siswati 1996 Bible

³ Waletsa insimbi lenyenti yekutsi kwakhiwe ngayo tipikili tetivalo temasango netako konkhe lokudzinga kubetselwa, waletsa nencumbi yelitfusi lelalingeke likaleke ngebunyenti balo.

1 Tikhronike 22:3 Referencias Cruzadas

1 Emakhosi 7:47

Solomoni akazange atikale tonkhe letintfo, ngobe tatitinyenti kakhulu; sisindvo salelitfusi naso sasingakakalwa.

1 Tikhronike 22:14

“Kungibite imijuluko leshisako kutsi ngente emalungiselelo ekwakhiwa kwelithempeli laSimakadze, ngicokelele igolide lengemathani langetulu kweti-3 400, nesiliva lengemathani langetulu kweti-34 000. Ngetulu kwaloko kunetincumbi telitfusi kanye netensimbi letingeke tikaleke. Futsi-ke nginetingodvo nematje lasalungiswe kahle, kodvwa-ke kufuneka ukwengete.

1 Tikhronike 29:2

Ngetame ngawo onkhe emandla ami kulungisa tonkhe tintfo tekwakha lelithempeli laNkulunkulu wami, ngilungise igolide yekwakha tonkhe tintfo tegolide, nesiliva yekwakha tonkhe tintfo tesiliva, nelitfusi lekwakha tonkhe tintfo telitfusi, nensimbi yekwakha tonkhe tintfo tensimbi, netingodvo tekwakha tonkhe tintfo telukhuni, ne-oniksi yekuhlobisa ngemigca, nethekhosi, nematje lamibalabala, netinhlobonhlobo tematje laligugu lacolisakele kanye netintfo temabuli; konkhe loku kunyenti kakhulu.

1 Tikhronike 29:7

Banikelela umsebenti wekwakha lithempeli laNkulunkulu: igolide lengemathani lali-170 nemakhilogremu langema-84, nesiliva lengemathani langema-340, nelitfusi lelingemathani langema-620, nensimbi lengemathani lati-3 400.

2 Tikhronike 4:18

Setitonkhe-ke letintfo letentiwa yinkhosi Solomoni taba nesisindvo selitfusi lesasingenakukalwa.

Jeremiya 52:20

Litfusi laletinsika letimbili, nalelibhavu kanye naletinkunzi letatili-12 letatingaphansi kwalo, naletincodlana letatakhiwe yinkhosi Solomoni, atakhele lithempeli laSimakadze, kwakungetulu kwekukalwa.

Dutheronomi 8:9

live lapho singeke sesweleke khona sinkhwa, ningeke neswele lutfo; live lapho emadvwala akhona ayinsimbi, lapho ningemba khona litfusi etintsabeni talo.