1 Tikhronike 22:2 - Siswati 1996 Bible

² Davide wase ukhipha simemetelo kutsi akubutfwe bonkhe bekuhamba labebahlala ka-Israyeli, emkhatsini wabo wabeka bacoti bematje kutsi batewucota kahle ematje bawalungiselele kwakha indlu yaNkulunkulu.

1 Tikhronike 22:2 Referencias Cruzadas

2 Samuweli 5:11

Hiramu, inkhosi yaseThire, watfumela titfunywa kuDavide, kanye netingodvo temsedari, nebabati kanye nebacoti bematje, bafike bakha sigodlo saDavide.

1 Emakhosi 6:7

Ematje ekwakha lithempeli abelungiswa acotwe khona lena entsabeni, ngako akuzange kube khona umsindvo lowawungabangwa tandvo, nemashizolo nome nguluphi-ke luhlobo lwelithulusi lensimbi lapho lithempeli lalakhiwa khona.

2 Emakhosi 12:12

nalababeka ematje, nalabawacotako. Batsenga tingodvo nematje lacotiwe ekulungisa lithempeli laSimakadze. Bahlangabetana nato tonkhe tidzingo tekuvusetela lithempeli.

2 Emakhosi 22:6

babati, nebakhi, nebacoti bematje. Lokunye futsi kufanele batsenge tingodvo kanye nematje labatiwe ekuvusetela lelithempeli.

1 Tikhronike 14:1

Hiramu, inkhosi yaseThire, watfumela titfunywa kuDavide, kanye netingodvo temsedari, nebacoti bematje kanye nebabati kutsi bayewumakhela sigodlo.

1 Tikhronike 29:1

Inkhosi Davide yamemetela kubo bonkhe lababelapho, yatsi: “Solomoni, indvodzana yami, lowo lowakhetfwa nguNkulunkulu, usemncane, futsi usengakati lutfo. Lomsebenti mkhulu kabi, ngobe lendlu akusiso sigodlo sekuhlala umuntfu. Kodvwa kutawuhlala Simakadze Nkulunkulu.

2 Tikhronike 2:16

Tsine sitatigawula tonkhe tingodvo lotifunako taseLebanoni, bese sitintantisa ngeminyaba yato lapha elwandle tiye eJopha. Nine-ke nitabe senitenyula lapho nitimikise eJerusalema.”

2 Tikhronike 2:17

Solomoni wase wenta lubalo lwabo bonkhe lababetive lababeka-Israyeli, emvakwelubalo uyise Davide labelwentile. Batfolakala kutsi babeti-153 600.

Ezra 3:7

Base bakhipha imali bayinika bakhi nebabati, bapha bantfu baseSidoni naseThire kudla, nesinatfo kanye nemafutsa; babentela kutsi khona batekubaletsela tingodvo temisedari ngelwandle, kusuka eLebanoni kuye eJopha, njengobe bekusho Khuresi, inkhosi yasePheresiya.

Kubase-Efesu 2:12

Nikhumbule nekutsi ngaleto tikhatsi benehlukanisiwe naKhristu, ningephandle kwembuso waka-Israyeli, nitihambi letite sabelo etivumelwaneni tesetsembiso, nite litsemba, nite naNkulunkulu emhlabeni.