1 Tikhronike 21:3 - Siswati 1996 Bible

³ Kodvwa Jowabe waphendvula watsi: “Shangatsi Simakadze angawandzisa ngalokuphindvwe kalikhulu emabutfo akhe. Nkhosi yami, nkhosi, kungabe kambe bonkhe labo bantfu akusibo bantfu benkhosi yami yini? Inkhosi yami ifunelani kukwenta loko? Ifunelani inkhosi yami kwehlisela licala etikwema-Israyeli?”

1 Tikhronike 21:3 Referencias Cruzadas

Genesisi 20:9

Abimeleki wabita Abrahama wambuta watsi: “Yini lena lose uyente la kitsi? Ngikone ngani, kutsi ungaze uletsele mine kanye nembuso wami lesono lesikhulu kangaka? Utenteleni letintfo bewungakafaneli kutenta?”

1 Emakhosi 14:16

Simakadze utasiyekelela sive saka-Israyeli ngenca yetono letentiwe nguJerobowamu, leto ladvonsela ngato sive saka-Israyeli ekoneni.”

2 Emakhosi 12:7

Ngako-ke inkhosi Jowashi yabita Jehoyada, umphristi, kanye nalabanye baphristi, yababuta, yatsi kubo: “Anilakhi ngani kabusha lelithempeli, lapho selihhihlike khona? Ningasaphindzi-ke nitsatse imali kubagcini betimali, kodvwa niboyendlulisela ekwakhiweni kabusha kwelithempeli.”

1 Tikhronike 19:13

Cina, ube nesibindzi! Asilwe ngesibindzi, silwele sive sakitsi nemadolobha aNkulunkulu wetfu. Simakadze utakwenta loko lokuhle emehlweni akhe.”

1 Tikhronike 21:4

Noko livi lenkhosi lamehlulekisa Jowabe. Ngako Jowabe wesuka wahamba walidzabula lonkhe laka-Israyeli, wase uyajika ubuyela eJerusalema.

Tihlabelelo 115:14

Shangatsi Simakadze anganandzisela nine kanye nebantfwabenu.

Eksodusi 30:12

“Nawenta lubalo lwema-Israyeli, ngulowo nalowo kufanele akhiphe inhlawulo yemphilo yakhe ngesikhatsi ubabala, khona angetikwehlelwa sishayo, nasangene elubalweni.

Eksodusi 32:21

Wakhuluma ku-Aroni watsi: “Labantfu benteni kuwe, uze ubaholele kulesono lesikhulu kangaka?”

Taga 14:28

Bukhosi benkhosi busime ebunyentini bebantfu labayilalelako; ngaphandle kwebantfu ayikho ikhona.

Isaya 26:15

Simakadze, usikhulisile sive, yebo, wena usandzisile sive. Utizuzele wena ludvumo. Uyinwebile yonkhe iminyele yelive.

Isaya 48:19

Titukulwane tenu ngabe tingangetihlabatsi. Bantfwabenu ngabe bangangetinhlavu letingenakubalwa, emabito abo abengayiwuncanyulwa lutfo, abengayiwubhujiswa embikwami.”

Dutheronomi 1:11

Shangatsi Simakadze, Nkulunkulu waboyihlomkhulu, anganandzisa ngetinkhulungwane letiphindziwe, anibusise njengobe etsembisa!

Joshuwa 22:15

Lamadvodza efika eGileyadi, esiveni sakaRubeni, nesakaGadi kanye nasencenyeni yesive sakaManase, akhuluma atsi:

1 Samuweli 2:24

Hhayi, bantfwabami, akusiyo intfo lenhle lena lengiyivako leseyandze naso sonkhe lesive saSimakadze.