1 Tikhronike 21:13 - Siswati 1996 Bible

¹³ Davide watsi kuGadi: “Ngiselusizini lolukhulu. Angimane ngiwele etandleni taSimakadze, ngobe umusa wakhe mkhulu, kodvwa ungavumi ngiwele etandleni tebantfu.”

1 Tikhronike 21:13 Referencias Cruzadas

2 Emakhosi 6:15

Inceku yemuntfu waNkulunkulu Elisha yatsi iyavuka ekuseni, iphumela ngephandle, yakhangwa ngulenkhulu imphi yemahhashi netincola leyase itungelete lonkhe lidolobha. Yaphutfuma ku-Elisha kuyawuhlaba umkhosi, yatsi: “Awu! nkhosi yami! Sitakwenta njani?”

2 Emakhosi 7:4

Nasitsi: ‘Asingene edolobheni,’ sitawufa yindlala. Nome singahlala lapha, sitawufa. Ngako ncono sambe siye enkambu yemaSiriya sitinikele kuwo; nabasiyekela, sitawuphila; nabasibulala-ke, sife.”

2 Tikhronike 28:9

Kwakunemphrofethi waSimakadze, Odedi, labelapho, waphuma kuyawuhlangabeta emabutfo, nasabuyela eSamariya. Wakhuluma kuwo watsi: “Njengobe Simakadze Nkulunkulu waboyihlomkhulu abetfukutselele bakaJuda, uvele wabaniketa esandleni senu. Kodvwa nyalo senibabulele ngesihluku lesidzimate sefika ezulwini.

Esta 4:11

“Wonkhe umuntfu, indvodza nome umfati, longena ngekhatsi endlunkhulu enkhosini ayibone ingakambiti, umtsetfo utsi lowo muntfu akabulawe. Lomtsetfo watiwa ngibo bonkhe bantfu lababeluleki bayo kanye nebantfu bonkhe emaveni onkhe embuso. Lowo muntfu usindza kuphela, nangabe inkhosi imphakamisela indvuku yayo yebukhosi yegolide. Sekuphela inyanga inkhosi solomane ingakangibiti kutsi ngite kuyo.”

Esta 4:16

“Hamba uhlanganise onkhe emaJuda laseSusa, nizile ningithandazele. Ningadli kudla, ninganatsi nemanti kuze kube ngemalanga lamatsatfu nebusuku bawo. Nami netincekukati tami sitawuzila njengani. Emvakwaloko ngitawuvele ngitidzikele, ngingene enkhosini, nome loko kuphambene nemtsetfo. Nangabe ngiyafa, ngife kube kanye.”

Tihlabelelo 103:8

Simakadze unemusa nesihawu, uyephuta kutfukutsela, andze ngemusa.

Tihlabelelo 106:7

Ngesikhatsi bokhokho baseseGibhithe abazange bacaphele timangaliso takho, futsi abazange bakhumbule bunyenti betento takho temusa, kodvwa bakuhlubuka ngaseLwandle Lolubovu.

Tihlabelelo 119:156

Sihawu sakho sikhulu, Simakadze, hlumelelisa kuphila kwami ngekwehlulela kwakho.

Tihlabelelo 130:4

Kodvwa wena uyasitsetselela, kuze sitewuhlala ngekukwesaba.

Tihlabelelo 130:7

Israyeli, yetsembela kuSimakadze, ngobe umusa ukuSimakadze nekukhululwa sibili kukuye.

Tihlabelelo 5:7

Kepha mine ngiyawungena endlini yakho ngekwengcebo yemusa wakho, ngikukhonte ngenhlonipho yekwesaba ethempelini lakho lelingcwele.

Tihlabelelo 69:13

Kodvwa mine lo, umthandazo wami uta kuwe, Simakadze, ngesikhatsi lesifanele, Nkulunkulu; ngiphendvule ngebukhulu bemusa wakho nesetsembiso sakho sekungisindzisa.

Tihlabelelo 69:16

Ngiphendvule, Simakadze, ngobe umusa wakho muhle, gucukela kimi ngemusa wakho lomkhulu.

Tihlabelelo 86:15

Kodvwa wena, Simakadze, unguNkulunkulu lonesihawu, nebubele, nekubeketela, uphuphuma umusa nekwetsembeka.

Tihlabelelo 86:5

Ngobe wena, Nkhosi, ulungile futsi ulungele kutsetselela, umusa wakho uyabaphuphumela labo labakhala kuwe.

Taga 12:10

Umuntfu lolungile uyatinakekela tifuyo takhe; kodvwa lomubi utiphatsa dlephu.

Isaya 46:7

Basibeka emahlombe abo basetfwale, basibeke endzaweni yaso, bese siyema kuleyo ndzawo, asikwati nekutsi khushu. Nome umuntfu angamemeta kanjani kuso atikhalela, asikwati kumphendvula; singeke simsindzise umuntfu etinhluphekweni takhe.

Isaya 47:6

Ngangisitfukutselele sive sami, ngalilahla lifa lami, ngabanikela esandleni sakho, nawe awuzange ubahawukele ngemusa; ngisho nalasebagugile, wabagaca ngelijoko lelimatima.

Isaya 55:7

Lomubi akayiyekele indlela yakhe lembi, nalokhohlakele ayekele imicabango yakhe lemibi. Akaphendvuke abuyele kuSimakadze, uyawuba nemusa kuye, akabuyele kuNkulunkulu wetfu, ngobe uyawumtsetselela ngenkhululeko.

Isaya 63:15

Buka phansi usezulwini lakho, ubone, usesihlalweni sakho sebukhosi lesingcwele. Kuphi kushisekela kwakho nemandla akho? Kunakekela kwakho nesihawu sakho kugodliwe kitsi.

Isaya 63:7

Ngiyawukhuluma ngebukhulu bemusa waSimakadze, ngibonge tento takhe lekufanele advunyiselwe tona, ngidvumise konkhe loko Simakadze lasentele kona, yebo, tintfo letinyenti letinhle latentele indlu yaka-Israyeli, ngesihawu sakhe nangemusa wakhe lomkhulukati.

Sililo 3:32

Nome akuletsa kudzabuka, kodvwa uyawubuye ahawukele, lukhulu kangako-ke lutsandvo lwakhe.

Jona 3:9

Ngobe ngubani nje lowatiko, mhlawumbe Nkulunkulu angatisola ayiyekele lentfukutselo yakhe leyesabekako, kuze singabhubhi?’ ”

Jona 4:2

Wathandaza kuSimakadze watsi: “Awu, Simakadze! Akusiko yini loku lengakusho ngiseseveni lakitsi kutsi kutakwenteka? Ngiko ngabaleka ngaya eThashishi; ngobe ngangati kutsi wena unguNkulunkulu lonemusa nesihawu, uyephuta kutfukutsela, unelutsandvo loluphuphumako, uyatisola ngekutfumela lokubi.

Mikha 7:18

Kute nkulunkulu lofana nawe, Simakadze; wena utsetselela tono tensali yakho lesele ekubhujisweni. Awuhlali utfukutsele siphelane, kodvwa ujabulela kusikhombisa umusa wakho.

Habakhuki 3:2

Awu Simakadze, ngivile ngeludvumo lwakho; ngimangaliswa tento takho, wena Simakadze. Phindza utivusetele nangalamalanga etfu, tente tatiwe nangaletikhatsi tetfu. Elulakeni lwakho khumbula umusa.

Johane 12:27

“Manje inhlitiyo yami ilusizi. Ngitawutsini nje? Ngitsi: ‘Babe, ngisindzise kulomzuzu’? Cha, phela lapha emhlabeni ngetela lomzuzu.

KubaseFiliphi 1:23

Kepha ngisemkhatsini walokubili: Nginesifiso sekuhamba ngiyewuba naKhristu, ngobe ngiko lokuhle kakhulu.

KumaHebheru 10:31

Maye, kuyesabeka kwehlulelwa nguNkulunkulu lophilako!