1 Tikhronike 2:7 - Siswati 1996 Bible

⁷ Umsa waKhami bekungu-Akhani, lowadvonsela ema-Israyeli inhlupheko ngekutsintsa intfo lekwakungakafaneli ayitsintse.

1 Tikhronike 2:7 Referencias Cruzadas

1 Tikhronike 2:6

Emadvodzana aZera bekuboZimri, na-Ethani, naHemani, naKhalkoli, naDara; babe ngemadvodzana lasihlanu sebabonkhe.

1 Tikhronike 2:8

Umsa wa-Ethani bekungu-Azariya.

1 Tikhronike 4:1

Titukulwane takaJuda bekuboPheresi, naHesroni, naKhami, naHure, naShobali.

Dutheronomi 13:17

Kute nome yinye yaleto tintfo letilahliwe lekufanele titfolakale etandleni tenu, kuze Simakadze atewugucuka ekutfukutseleni kwakhe lokwesabekako. Uyakunentela umusa abe nesihawu kini, anandzise, njengobe afunga kuboyihlomkhulu,

Dutheronomi 7:26

Ningacali niletse loko lokusinengiso etindlini tenu, funa nani nehlukaniswe nibekwe eceleni, khona nitewubhujiswa njengako. Kufanele nitenyanye letithico, ngobe setivele tehlukaniselwe kubhujiswa.”

Joshuwa 22:20

Khumbulani Akhani, umsa waZera, lowatsatsa tintfo lebekungakafaneli kutsi atitsatse; lulaka alusehlelanga sonkhe yini sive? Akuzange kufe yena yedvwa ngaleso sono sakhe.’ ”

Joshuwa 6:18

Kodvwa nine khweshani kuletintfo letinikelwe kutsi titewubhujiswa, kuze ningetikutidvonsela kubhujiswa ngenca yekutitsatsela letinye tato. Nanenta loko, nitawube nidvonsela inkambu yema-Israyeli ekubhujisweni, niyiletsele kufa.

Joshuwa 7:25

Joshuwa watsi: “Usiletseleleni lembhubhiso? Simakadze utayiletsa kuwe imbhubhiso lamuhla.” Ngako-ke onkhe ema-Israyeli amgcoba ngematje kanye nako konkhe kwakhe, base bayakushisa-ke.