1 Tikhronike 18:2 - Siswati 1996 Bible

² Davide wachubeka wahlasela nemaMowabi, wawehlula. Ngako emaMowabi ase aba ngaphansi kwakhe, aletsa imitselo yawo kuDavide.

1 Tikhronike 18:2 Referencias Cruzadas

2 Samuweli 8:2

Davide wachubeka wahlasela nemaMowabi, wawehlula. Abebalalisa phansi emhlabatsini, bese ubulala babili njalo kulabatsatfu baletitfunjwa. Ngako emaMowabi ase aba ngaphansi kwakhe, aletsa imitselo yawo kuDavide.

1 Emakhosi 10:2

Yefika eJerusalema ihamba nalolukhulu ludvwendvwe, luchuba emakamela labetfwele tinandzisi, nemidlidlimba yegolide kanye neyematje laligugu. Yefika kaSolomoni yakhulumisana naye ngako konkhe lokwakusengcondvweni yayo.

1 Emakhosi 10:25

Umnyaka ngemnyaka, wonkhe labeta kuye abefika nesipho: tintfo letentiwe ngesiliva, nangegolide, nemijiva, netikhali, netinandzisi, nemahhashi kanye neminyuzi.

1 Tikhronike 18:1

Kwatsi emvakwaloko, Davide wahlasela emaFilisti wawehlula, wawemuka emandla ekutibusa eveni, watfumba iGathi kanye nemiti yayo leyayiyitungeletile, wayikhipha ekubusweni ngemaFilisti.

1 Tikhronike 18:3

Ngetulu kwaloko Davide wahlasela, wehlula Hadadezeri, inkhosi yaseSobha, waze wayakufika eHamathi, ngaleso sikhatsi Hadadezeri abecondze kubusa lonkhe lelo live langasemfuleni iYufrathe.

Tihlabelelo 60:8

Mowabi ungumgezelo wami, etikwa-Edomu ngijika sicatfulo sami. Nine maFilisti, memetani, ningikhonte.”

Isaya 11:14

Bayawukwehla emaceleni aseFilistiya bawahlasele enshonalanga, bobabili bayawuphanga bantfu labahlala emphumalanga. Bayawulidla live laka-Edomu nelakaMowabi, babuse etikwema-Amoni.

Isaya 16:1

Tfumelani emazinyane etimvu lesuka eSela, ngasehlane, aye entsabeni yeNdvodzakati yaseSiyoni, abe setfulo enkhosini yelive.

Numeri 24:17

“Ngiyambona, noko, hhayi nyalo; ngibuke kuye, noko, akekho edvute. Inkhanyeti iyawuvela kuJakobe, intfonga yebukhosi iyawumila ka-Israyeli, uyawupitjita tinhloko tesive sakaMowabi, tinkhakhayi tawo onkhe emadvodza akaShethi.

1 Samuweli 10:27

Kodvwa labanye belutfutfuva babebuta batsi: “Kodvwa lomuntfu angasisindzisa kanjani?” Bamedzelela, bangete baletsa ngisho nasinye setfulo. Kodvwa Sawula watithulela nje.