1 Tikhronike 18:13 - Siswati 1996 Bible

¹³ Wase umisa tinkambu temasotja kulaka-Edomu. Onkhe ema-Edomu ase aba ngaphansi kwaDavide. Simakadze wapha Davide kuncoba nome ngukuphi lapho ahlasela khona.

1 Tikhronike 18:13 Referencias Cruzadas

Genesisi 25:23

Simakadze wamphendvula watsi: “Esiswini sakho kunetive letimbili. Utawutala tive letitakwehlukana tinhlobo letimbili. Lesinye sive siyawuba nemandla kunalesinye, lomdzala akhonte lomncane.”

Genesisi 27:29

Shangatsi tive tingasebenta wena, nemindeni ikukhotsamele. Ube yinkhosi kubomnakenu, emadvodzana enyoko akukhotsamele. Akacalekiswe lokucalekisako, abusiswe lokubusisako.”

Genesisi 27:37

Isaka wamphendvula watsi: “Asubuke nje, sengimente waba yinkhosi yakho, ngimnike bonkhe bomnakabo kutsi babe tisebenti takhe. Ngimuphe inala yemabele neyeliwayini. Pho, wena ngingabe ngisakwentelani, ndvodzana yami?”

Genesisi 27:40

Uyawuphila ngenkemba yakho, usebente umnakenu, kodvwa kuyawutsi nawudlubulundzela, uyawulephula lijoko lakhe entsanyeni yakho.”

2 Samuweli 23:14

Ngaleso sikhatsi Davide abesekhatsi enqabeni, kantsi libutfo lemaFilisti lona laliseBhetlehema.

1 Emakhosi 11:15

Kucala, ngesikhatsi Davide alwa nebaka-Edomu, Jowabe, labeyindvuna yemphi labekhuphukile kuyawungcwaba lasebafile, wafike wabhubhisa onkhe emadvodza aka-Edomu.

1 Tikhronike 18:12

Abishayi, umsa waSeruya, wabulala ema-Edomu labeti-18 000 eSigodzini Seluswayi.

1 Tikhronike 18:14

Davide walibusa lonkhe lema-Israyeli, enta loko lokulungile kubo bonkhe bantfu bakhe.

1 Tikhronike 18:6

Davide wase umisa tinkambu temabutfo embusweni wemaSiriya eDamaseko. EmaSiriya ase aba bantfu baDavide, atsela kuye. Simakadze wapha Davide kuncoba nome ngukuphi lapho ahlasela khona.

Tihlabelelo 121:7

Simakadze uyawukuvikela kuko konkhe lokubi, alondvolote imphilo yakho.

Tihlabelelo 144:10

Nguwe lonika emakhosi kuncoba, uphephise inceku yakho lenguDavide.

Numeri 24:18

Edomu uyawuncotjwa; Seyiri, sitsa sakhe, naye uyawuncotjwa, kodvwa Israyeli uyawukhula abe nemandla.

2 kubaseKorinthe 11:32

EDamaseko Lusibalukhulu labengaphansi kwenkhosi Arethasi wagadza lidolobha lonkhe afuna kungibamba angibophe,

1 Samuweli 10:5

“Nawusuka lapho, ubokhuphukela eGibeya yaNkulunkulu, lapho kunenkambu yemaFilisti khona. Utawutsi nawuyawungena kulelidolobha, uhlangane neludvwendvwe lwebaphrofethi lwehla lubuya endzaweni lephakeme, luphetse emahabhu, netingitali, netingubhu, nemintjingozi, luhambe lushaya, luphrofetha.

1 Samuweli 13:3

Jonathani wahlasela inkambu yemaFilisti eGeba, wayehlula; emaFilisti akuva loko. Sawula wase ushaya impalampala kulo lonkhe live, atsi: “EmaHebheru akeve!”

1 Samuweli 14:1

Ngalelinye lilanga Jonathani, umsa waSawula, wakhuluma kuloludzibi lolwaluphatsa tikhali takhe, watsi: “Kota sambe, siye kulenkambu yemaFilisti lapha ngesheya.” Noko akamtjelanga uyise.

1 Samuweli 18:14

Kuko konkhe labekwenta Davide abeba nemphumelelo, ngobe Simakadze abenaye.