1 Tikhronike 17:11 - Siswati 1996 Bible

¹¹ Emalanga akho nase aphelile, sewulele kuboyihlomkhulu, ngiyawuvusa umliba wakho kutsi uhlale esihlalweni sakho sebukhosi, loyo lomunye wemadvodzana akho mbamba, ngiyakuwumisa umbuso wakhe.

1 Tikhronike 17:11 Referencias Cruzadas

Genesisi 15:15

Wena-ke utawukhula, ufe ngekuthula sewumdzala kakhulu, ungcwatjwe.

1 Emakhosi 1:21

Ngaphandle kwaloko, inkhosi itawutsi ingahamba iye kubakubo, mine nendvodzana yami, Solomoni, sitawuphatfwa njengemavukelambuso.”

1 Emakhosi 2:10

Davide wase uyakhotsama, wangcwatjwa eDolobheni laDavide.

1 Emakhosi 8:19

Noko-ke wena awusiye lotangakhela lithempeli, kodvwa yindvodzana yakho, lowo loyinyama yakho naloyingati yakho cobo, nguye-ke lotakwakha lithempeli alakhele Libito lami.’

1 Emakhosi 8:20

“Simakadze usigcwalisile setsembiso sakhe lasenta: Mine ngilandzele babe Davide, manje sengihleti esihlalweni sakhe sebukhosi saka-Israyeli, njengobe vele Simakadze abetsembisile, futsi sengilakhile nalelithempeli, ngalakhela Libito laSimakadze, Nkulunkulu wema-Israyeli.

1 Tikhronike 17:10

njengobe benta seloku ngacala kubeka baholi etikwesive sami, ema-Israyeli. Ngitakupha kutsi ubuse etikwato tonkhe titsa takho. “ ‘Ngikhipha livi kuwe lekutsi Simakadze yena matfupha utakwakhela wena indlu.

1 Tikhronike 17:12

Nguye-ke longuyena ayawungakhela indlu, ngiyawumisa sihlalo sakhe sebukhosi phakadze naphakadze.

1 Tikhronike 28:5

Emkhatsini wawo onkhe emadvodzana ami lamanyenti Simakadze langiphe wona, Simakadze ukhetse umsa wami Solomoni kutsi ahlale esihlalweni sebukhosi sembuso waSimakadze abuse ka-Israyeli.

1 Tikhronike 29:15

Tsine sitihambi nebafokati embikwakho, njengabo bonkhe bokhokho betfu. Emalanga etfu lapha emhlabeni afanana nesitfunti, kute litsemba.

1 Tikhronike 29:28

Wafa asamdzala kakhulu, asatenelisile ngemphilo lendze, nangemcebo, nangekuhlonishwa. Solomoni, umsa wakhe, watsatsa sikhundla sakhe waba yinkhosi.

2 Tikhronike 6:9

Noko-ke wena awusiye lotangakhela lithempeli, kodvwa yindvodzana yakho, lowo loyinyama yakho naloyingati yakho cobo, nguye-ke lotakwakha lithempeli, alakhele Libito lami.’

Tihlabelelo 132:11

Simakadze wafunga kuDavide, wenta sifungo langeke ajike kuso, watsi: “Lomunye wemadvodzana akho ngiyawumenta abe yinkhosi emvakwakho.

Tihlabelelo 89:5

Yebo, Simakadze! Shangatsi emazulu angadvumisa timanga takho nekwetsembeka kwakho enhlanganweni yalabangcwele!

Jeremiya 33:17

“Ngobe naku lokushiwo nguSimakadze, utsi: ‘Davide ngeke eswele indvodza leyawuhlala esihlalweni sebukhosi sendlu yaka-Israyeli,

Imisebenti yebaPhostoli 13:36

“Phela Davide wenta intsandvo yaNkulunkulu ngesikhatsi sekuphila kwakhe; wase uyafa, wembelwa eceleni kwabokhokho bakhe, wabola;

Imisebenti yebaPhostoli 2:29

“Bazalwane, ngifanele ngikhulume ngalokukhanyako ngakhokho wetfu Davide kutsi wafa wangcwatjwa, nelidliza lakhe likhona la kitsi nalamuhla.

Dutheronomi 31:16

Simakadze wakhuluma kuMosi, watsi: “Wena sewutawuhamba uyewuphumula nabokhokho bakho, emvakwekufa kwakho lesive siyawugwadla nabonkulunkulu betive takulelo live lesiyawungena kulo. Siyawungishiya, sephule nesivumelwane lengasenta naso.