1 Tikhronike 17:1 - Siswati 1996 Bible

¹ Kwatsi Davide nase ahleti kahle atintile esigodlweni sakhe, wase ukhuluma kuNathani, umphrofethi, watsi: “Buka la! Mine ngihleti kahle esigodlweni lesakhiwe ngemisedari, kodvwa libhokisi lesivumelwane saSimakadze lihleti ethendeni.”

1 Tikhronike 17:1 Referencias Cruzadas

2 Samuweli 12:1

Simakadze watfumela Nathani kuDavide. Watsi kube efike kuye, wakhuluma watsi: “Edolobheni lelitsite kwakunemadvodza lamabili, lenye yayinjingile, kantsi lena lenye yona yayiphuyile.

2 Samuweli 12:25

kwatsi ngobe Simakadze amtsandza, watfumela livi ngaNathani, umphrofethi, kutsi etsiwe libito kutsiwe nguJedidiya.

2 Samuweli 6:17

Libhokisi laSimakadze baliletsa balibeka endzaweni yalo ekhatsi ethendeni Davide labelakhele lona, Davide wenta umhlatjelo wekushiswa kanye neminikelo yebudlelwane embikwaSimakadze.

1 Emakhosi 1:23

Base babikela inkhosi, batsi: “Kukhona umphrofethi Nathani, lapha ngephandle.” Ngako Nathani waya wangena enkhosini, wefika wakhotsama abhekise buso bakhe phansi.

1 Emakhosi 1:44

Inkhosi itfumele boSadoki, umphristi, naNathani, umphrofethi, naBhenaya, umsa waJehoyada, nemaKherethi kanye nemaPhelethi, bamgibelisa emnyuzini wayo inkhosi.

1 Emakhosi 1:8

Kodvwa boSadoki, umphristi, naBhenaya, umsa waJehoyada, naNathani, umphrofethi, naShimeyi, naReyi, kanye nabomahlalesangweni belikhetselo baDavide abazange batihlanganise na-Adoniya.

1 Emakhosi 8:17

“Babe wami, Davide, abenaso leso sifiso enhlitiyweni yakhe, kutsi akhe lithempeli, alakhele Libito laSimakadze, Nkulunkulu wesive sema-Israyeli.

1 Tikhronike 14:1

Hiramu, inkhosi yaseThire, watfumela titfunywa kuDavide, kanye netingodvo temsedari, nebacoti bematje kanye nebabati kutsi bayewumakhela sigodlo.

1 Tikhronike 15:1

Emvakwekuba Davide asatakhele tindlu takhe eDolobheni laDavide, wabe sewulungisa indzawo yekubeka libhokisi lesivumelwane saNkulunkulu, wadzimate wemisa lithende lekulifaka ekhatsi.

1 Tikhronike 16:1

Libhokisi lesivumelwane saNkulunkulu baliletsa balibeka ekhatsi ethendeni Davide labelakhele lona, base banikela ngeminikelo yekushiswa nangeminikelo yebudlelwane kuNkulunkulu.

1 Tikhronike 17:2

Nathani waphendvula Davide, watsi: “Loko lonako engcondvweni yakho, kwente, ngobe Simakadze unawe.”

1 Tikhronike 17:5

Mine angizange sengihlale endlini kusukela ngelilanga lengakhipha ngalo ema-Israyeli eveni laseGibhithe kuze kube ngulamuhla. Bengisolo ngehla ngenyuka nemathende ngisuka kulelo ngiye kulela, ngisuke kulendzawo ngiye kuleya.

1 Tikhronike 22:6

Davide wase ubita indvodzana yakhe Solomoni wayitjela kutsi ibokwakha indlu, iyakhele Simakadze longuNkulunkulu wema-Israyeli.

1 Tikhronike 22:7

Davide watsi kuSolomoni: “Msawami, benginesifiso enhlitiyweni yami sekutsi ngakhe indlu, ngiyakhele Libito laSimakadze Nkulunkulu wami.

1 Tikhronike 28:2

Inkhosi Davide yasukuma yema ngetinyawo, yatsi: “Lalelani kimi, nine bomnaketfu nesive sakitsi. Bekuvele kusenhlitiyweni yami kutsi ngakhe indlu letawuba yindzawo lapho kutawuphumula khona libhokisi lesivumelwane saSimakadze, senabelo setinyawo taNkulunkulu wetfu; lawo malungiselelo bese ngivele ngiwentile.

1 Tikhronike 29:29

Imininingwane ngekubusa kwaDavide, kusukela ekucaleni kuze kube ngusekugcineni, kubhaliwe emlandvweni waSamuweli, umboniswa, nasemlandvweni waNathani, umphrofethi, kanye nasemlandvweni waGadi, umboniswa.

2 Tikhronike 1:4

Davide abekhuphuke nalo libhokisi lesivumelwane saNkulunkulu alisusa eKhiriyathi Jeyarimu, waliletsa endzaweni labevele ayilungisele lona. Phela abesalakhele lithende lalo eJerusalema.

Tihlabelelo 132:5

ngingakamtfoleli Simakadze indzawo, ngakhe likhaya laSomandla waJakobe.”

Eksodusi 26:1

“Lingekhatsi lelithende lekukhontela ubolakha ngetindvwangu letilishumi. Ubotenta ngemitiya yelineni leyephotselwe ngalokucolisakele nangensontfo leluhlata njengesibhakabhaka, nangalebukhwebeletane, nangalebovu ngalokutopele, loko ngukuhlobise ngemakherubhi; kube ngumsebenti wengcweti lenebuciko.

Jeremiya 22:15

“Kukwenta inkhosi yini kuba nemisedari leminyenti? Uyihlo akazange abe nekudla nekwekunatsa yini? Wenta loko lokulungile nalokucotfo, ngako konkhe kwamhambela kahle.

Danyela 4:4

“Mine, Nebukhadnezari, ngangisekhaya esigodlweni sami, ngenelisekile, futsi ngiphumelela etintfweni tonkhe.

Hagayi 1:4

“Ngabe kambe ngiso yini lesi sikhatsi sekutsi nihlale etindlini letihlotjiswe kahle kakhulu, kube kantsi indlu yaSimakadze yona ibukeka itindzala nje?”

Hagayi 1:9

“Benilindzele sivuno lesikhulu, kodvwa navuna kuncane. Loko lenikubuyise ekhaya ngikuphuphutsile, kwahamba. Leni?” kusho Simakadze longuSomandla. “Ngenca yendlu yami lesolomane ihleti itindzala, ngalesikhatsi lapho kungulowo nalowo wenu aphishaneke ngeyakhe indlu.

Imisebenti yebaPhostoli 7:46

Davide watsandzeka kuNkulunkulu, wase ucela kuNkulunkulu kutsi amvumele kube amakhele indlu leyawusetjentiswa titukulwane taJakobe,