1 Tikhronike 16:4 - Siswati 1996 Bible

⁴ Wakhetsa labanye bemaLevi kutsi bakhonte embikwelibhokisi lesivumelwane saSimakadze, bancuse, babonge babuye badvumise Simakadze Nkulunkulu wema-Israyeli:

1 Tikhronike 16:4 Referencias Cruzadas

Genesisi 17:7

“Ngiyawumisa sivumelwane sami nawe nentalo yakho, emvakwakho, etitukulwaneni ngetitukulwane, kube sivumelwane saphakadze. Ngiyawuba nguNkulunkulu wakho naNkulunkulu wetitukulwane takho emvakwakho.

Genesisi 32:28

Lendvodza yatsi: “Libito lakho lingeke lisaba nguJakobe, kodvwa sewutawuba ngu-Israyeli, ngobe ubambene naNkulunkulu nebantfu, wajinge wancoba.”

Genesisi 33:20

Wakha lilati lapho waletsa libito watsi: yi-Eli Elohe Israyeli.

1 Emakhosi 8:15

yatsi: “Ludvumo alube kuSimakadze, Nkulunkulu wesive sema-Israyeli, yena, lekwatsi ngesandla sakhe wasigcwalisa leso setsembiso sakhe lasenta ngemlomo wakhe kubabe wami Davide. Ngobe watsi:

1 Tikhronike 15:16

Davide watjela baholi bemaLevi kutsi bakhetse bantfu nebahlabeli kutsi batewuhlabela tingoma tekujabula, baphekeletelwa ngimintjingozi: emalire, nemahabhu kanye nemasimbali.

1 Tikhronike 16:3

Wesuka lapho wanika wonkhe longum-Israyeli, lomdvuna nalomsikati, sinkhwa nelicebelengwane lemasundvu, nelicebelengwane lemagelebisi lomisiwe.

1 Tikhronike 16:5

Asafa abengumholi wabo lomkhulu, wesibili kunguZakhariya, bese kuba boJeyiyeli, naShemiramothi, naJehiyeli, naMathithiya, na-Eliyabe, naBhenaya, na-Obedi Edomu kanye naJeyiyeli. Bekufanele badlale emalire nemahabhu, bese kutsi Asafa adlale emasimbali.

1 Tikhronike 16:8

“Bongani Simakadze, nibite libito lakhe, nimemetele tento takhe emkhatsini wetive.

1 Tikhronike 24:3

Ngekusitwa boSadoki, umtukulu wa-Eleyazare, na-Ahimeleki, umtukulu wa-Ithamari, Davide wabehlukanisa ticheme ngeticheme entela kutsi basebente ngendlela enkonzweni.

1 Tikhronike 25:1

Davide kanye netindvuna takhe letatiphetse emaLevi behlukanisela emadvodzana a-Asafa, naHemani, naJeduthuni, bawehlukanisela inkonzo yekuphrofetha, kwanandziswa ngemahabhu, nengemalire, nangemasimbali. Luhla lwalamadvodza lenta lomsebenti bekungulolu:

1 Tikhronike 6:31

Lawa bekungemadvodza Davide lawabeka kutsi engamele kuhlabelela endlini yaSimakadze, nase kufakwe libhokisi lesivumelwane kuyo.

2 Tikhronike 5:13

Labashayi bemacilongo nalabahlabeli bahlangana bahlabela kanyekanye, kwaze kwaba shangatsi liphimbo linye, banika Simakadze ludvumo netibongo. Baphakamisa emaphimbo abo babonga Simakadze bashaya emacilongo, nemasimbali naletinye nje tingubhu, bahlabela batsi: “Dvumisani Simakadze, ngobe ulungile, nelutsandvo lwakhe lume kuze kube phakadze.” Lithempeli laSimakadze lase ligcwaliswa lifu,

Ezra 3:10

Batsi kube bakhi babeke sisekelo selithempeli laSimakadze, baphristi lababegcoke tembatfo tabo, baphetse emacilongo, bakanye nemaLevi, emadvodzana a-Asafa, labephetse bokhencekhence, bonkhe bema ngabolonina balungela kudvumisa Simakadze, njengobe kwakuvele kwahlelwa nguDavide, inkhosi yema-Israyeli.

Nehemiya 12:24

Baholi bemaLevi bekuboHashabiya, naSherebiya, naJeshuwa, umsa waKhadmiyeli; ticheme tabomnakabo tatima malungana nabo, kuze tidvumise tiletse netibongo, sicheme sabomnakabo lesinye siphendvule lesinye, njengobe abeshito Davide, inceku yaNkulunkulu.

Tihlabelelo 103:2

Mphefumulo wami, dvumisa Simakadze, ungatikhohlwa tento takhe temusa kimi.

Tihlabelelo 105:5

Khumbulani timangaliso takhe latentile, nikhumbule tibonakaliso takhe, kanye netehlulelo temlomo wakhe,

Tihlabelelo 106:48

Akabongwe Simakadze, Nkulunkulu wema-Israyeli, kusukela phakadze kuze kube phakadze! Sive sonkhe asitsi: “Amen!” Haleluya! Dvumisani Simakadze!

Tihlabelelo 37:1

Ungatihluphi ngalababi, ungahawukeli kulabenta lokubi.

Tihlabelelo 70:1

Hhawu, Nkulunkulu! Phutfuma ungikhulule! Hhawu, Simakadze! Phutfuma ungisite!

Tihlabelelo 72:18

Akabongwe Simakadze, Nkulunkulu, nguye longuNkulunkulu wema-Israyeli, nguye yedvwa lowenta timangaliso.