1 Tikhronike 15:12 - Siswati 1996 Bible

¹² Wakhuluma kubo watsi: “Nine nibaholi bemindeni yemaLevi. Ngini nalamanye emaLevi lekufanele nitihlambulule nibe ngcwele, bese niletsa lelibhokisi lesivumelwane saSimakadze, Nkulunkulu wema-Israyeli, nilimikise kulendzawo lesengiyilungiselele lona.

1 Tikhronike 15:12 Referencias Cruzadas

1 Tikhronike 15:1

Emvakwekuba Davide asatakhele tindlu takhe eDolobheni laDavide, wabe sewulungisa indzawo yekubeka libhokisi lesivumelwane saNkulunkulu, wadzimate wemisa lithende lekulifaka ekhatsi.

1 Tikhronike 15:14

Baphristi nemaLevi batihlambulula kutsi batekwenyusa libhokisi lesivumelwane saSimakadze, Nkulunkulu wema-Israyeli.

1 Tikhronike 15:3

Davide wahlanganisa onkhe ema-Israyeli eJerusalema kutsi aletse lelibhokisi lesivumelwane saSimakadze kulendzawo labesayilungiselele lona.

1 Tikhronike 16:1

Libhokisi lesivumelwane saNkulunkulu baliletsa balibeka ekhatsi ethendeni Davide labelakhele lona, base banikela ngeminikelo yekushiswa nangeminikelo yebudlelwane kuNkulunkulu.

1 Tikhronike 24:31

Benta inkatho nabo njengabomnakabo, batukulu ba-Aroni, ngesikhatsi basembikwenkhosi Davide, naSadoki, na-Ahimeleki, netinhloko temindeni yebaphristi netemaLevi. Imindeni yalabangematubulo yayiphatfwa ngendlela lekwakuphatfwa ngayo botfunjana.

1 Tikhronike 9:34

Lamadvodza abebaholi bemindeni yemaLevi, tonkhe tikhulu ngekwemlandvo weluhlanga lwekutalana kwato, bahlala eJerusalema.

2 Tikhronike 1:2

Solomoni wase ukhuluma kuwo onkhe ema-Israyeli: etindvuneni tetinkhulungwane, netemakhulu, nakubehluleli, nakubo bonkhe baholi besive sema-Israyeli, tinhloko temindeni.

2 Tikhronike 1:4

Davide abekhuphuke nalo libhokisi lesivumelwane saNkulunkulu alisusa eKhiriyathi Jeyarimu, waliletsa endzaweni labevele ayilungisele lona. Phela abesalakhele lithende lalo eJerusalema.

2 Tikhronike 30:15

Bahlaba lizinyane lemvu leliPhasika mhlazana tili-14 enyangeni yesibili. Baphristi nemaLevi baba nemahloni, base bayatingcwelisa bona cobo lwabo, baletsa iminikelo yekushiswa ethempelini laSimakadze.

2 Tikhronike 35:6

Hlabani emawundlu eliPhasika, nitingcwelise nani, nilungise lamawundlu nilungisele labantfu bemave akini, nente loko lokwashiwo nguSimakadze ngaMosi.”

2 Tikhronike 5:11

Baphristi-ke base bayaphuma endzaweni lengcwele. Bonkhe baphristi labebalapho babetingcwelisile ngalokufananako nome nje babeticheme letehlukene.

2 Tikhronike 5:2

Solomoni wase umema tonkhe timphunga tema-Israyeli kanye nabo bonkhe baholi betive tema-Israyeli, netinhloko tetindlu tema-Israyeli kutsi tite eJerusalema, tilandze libhokisi lesivumelwane saSimakadze lisuke eSiyoni, Lidolobha laDavide.

Nehemiya 13:22

Ngase ngitjela emaLevi kutsi akatihlambulule ahambe ayewuciza emasango, kuze agcine liSabatha lingcwele. Nangenca yaloko ngikhumbule, Nkulunkulu wami, ungihawukele njengekwelutsandvo lwakho lolukhulu.

Isaya 52:11

Sukani, sukani, niphume eBhabhulona! Ningatsintsi lutfo lolungcolile ngekwemtsetfo! Phumani kulelo dolobha, nitihlambulule nibe msulwa, nine leniphatsa titja taSimakadze.

Hezekeli 48:11

Leyo-ke kuyawuba yebaphristi labehlukaniselwe, bakaSadoki, lababetsembekile ekungikhonteni, bangete beduka njengobe kwenta emaLevi ngesikhatsi kweduka ema-Israyeli.

Johane 17:17

Tehlukanisele bona ngeliciniso babe bakho, livi lakho liliciniso.