1 Tikhronike 14:1 - Siswati 1996 Bible

¹ Hiramu, inkhosi yaseThire, watfumela titfunywa kuDavide, kanye netingodvo temsedari, nebacoti bematje kanye nebabati kutsi bayewumakhela sigodlo.

1 Tikhronike 14:1 Referencias Cruzadas

2 Samuweli 7:2

wase ukhuluma kuNathani, umphrofethi, watsi: “Buka la, mine ngihleti kahle esigodlweni lesakhiwe ngemisedari, kodvwa libhokisi lesivumelwane saNkulunkulu lihleti ethendeni.”

1 Emakhosi 5:1

Watsi kube Hiramu, inkhosi yaseThire, eve kutsi Solomoni sewugcotjiwe kutsi atsatse sikhundla seyise Davide, watfumela emancusa akhe kuSolomoni, ngobe abeloku angumngani waDavide.

1 Emakhosi 5:15

Solomoni abenemadvodza labeti-70 000 labetfwala ematje lacotiwe, nalati-80 000 labecota ematje etintsabeni;

1 Emakhosi 5:18

Tingcweti tenkhosi Solomoni netenkhosi Hiramu kanye nemadvodza aseGebali tatigawula tiphindze tilungise letingodvo nematje ekwakha lelithempeli.

1 Emakhosi 5:6

“Ngako ngicela utfumele emadvodza kutsi aye eLebanoni ayekungigawulela imisedari. Emadvodza akami atawubambisana nalawo akakho, kantsi ngitawakhokhela lawo madvodza akakho, nome ngabe ufuna malini yekuwaholela. Nawe uyati kutsi asinabo labangaba nelikhono ekugawuleni imisedari kwendlula emaSidoni.”

1 Tikhronike 14:2

Davide abati kutsi Simakadze sewumbeke kutsi abe yinkhosi yaka-Israyeli, nekutsi sewente umbuso wakhe waphumelela kakhulu ngenca yesive sakhe sema-Israyeli.

1 Tikhronike 17:1

Kwatsi Davide nase ahleti kahle atintile esigodlweni sakhe, wase ukhuluma kuNathani, umphrofethi, watsi: “Buka la! Mine ngihleti kahle esigodlweni lesakhiwe ngemisedari, kodvwa libhokisi lesivumelwane saSimakadze lihleti ethendeni.”

1 Tikhronike 22:2

Davide wase ukhipha simemetelo kutsi akubutfwe bonkhe bekuhamba labebahlala ka-Israyeli, emkhatsini wabo wabeka bacoti bematje kutsi batewucota kahle ematje bawalungiselele kwakha indlu yaNkulunkulu.

2 Tikhronike 2:2

Solomoni wabutsa emadvodza lati-70 000 ekwetfwala, kwatsi lati-80 000 aba ngekucota ematje etintsabeni, wabeka tindvuna tawo letatiti-3 600.

2 Tikhronike 2:3

Solomoni watfumela umlayeto kuHiramu, inkhosi yaseThire, watsi: “Ngitfumelele tingodvo temsedari, njengobe wenta kubabe wami Davide, ngesikhatsi umtfumelela tingodvo tekwakha sigodlo, lapho abetawuhlala khona.

Ezra 3:7

Base bakhipha imali bayinika bakhi nebabati, bapha bantfu baseSidoni naseThire kudla, nesinatfo kanye nemafutsa; babentela kutsi khona batekubaletsela tingodvo temisedari ngelwandle, kusuka eLebanoni kuye eJopha, njengobe bekusho Khuresi, inkhosi yasePheresiya.