1 Tikhronike 13:12 - Siswati 1996 Bible

¹² Ngalelo langa Davide wesaba Nkulunkulu, wate wabuta watsi: “Pho, ngingaliletsa kanjani libhokisi lesivumelwane saNkulunkulu lapha kami?”

1 Tikhronike 13:12 Referencias Cruzadas

1 Emakhosi 8:27

“Kodvwa vele, Nkulunkulu angahlala yini emhlabeni? Emazulu, ngisho nalo lizulu leliphakeme kunawo onkhe emazulu, ungeke wenele kulo. Kangakanani-ke lelithempeli lengikwakhele lona!

1 Tikhronike 13:11

Davide wase uyatfukutsela, ngobe lulaka lwaSimakadze lwalwehlele etikwa-Uza. Kuze kube ngulamuhla loku leyo ndzawo seyabitwa ngekutsi yiPheresi Uza.

1 Tikhronike 13:13

Ngako wangabe asalitsatsa kutsi ahambe nalo aye eJerusalema, Lidolobha laDavide. Esikhundleni saloko, walikhweshisa walibeka endlini ya-Obedi Edomu, waseGathi.

1 Tikhronike 21:30

Kodvwa Davide abenganakuhamba embikwalo kutsi ayewubuta kuNkulunkulu, ngobe abesaba inkemba yengilosi yaSimakadze.

Tihlabelelo 119:120

Umtimba wami uyatfutfumela ngenca yekwesaba wena, netehlulelo takho ngiyatesaba.

Isaya 6:5

Ngase ngitsi: “Maye kimi, mine ngiphelile! Ngobe ngingumuntfu lotindzebe temlomo wakhe tingcolile, futsi ngihlala emkhatsini webantfu labatindzebe tabo tingcolile. Emehlo ami ayibonile iNkhosi, Simakadze longuSomandla.”

Matewu 25:24

“Kwase kungena lesisebenti lesasinikwe lithalenta linye, safike satsi: ‘Nkhosi, ngatile kutsi ungumuntfu lonelulaka. Uvuna lapho ungazange sewuhlanyele khona, ubutse lapho ungazange sewusakate khona.

1 Samuweli 6:20

bantfu baseBhethi Shemeshi babuta batsi: “Ngubani longema ebukhoneni baSimakadze, loNkulunkulu longcwele? Lelibhokisi lesivumelwane litawuya kabani nalikhuphuka lapha?”