1 Tikhronike 12:18 - Siswati 1996 Bible

¹⁸ Moya wabe sewehlela ku-Amasayi, lowabe sewuyabekwa kutsi abe ngumholi walabangema-30, watsi: “Davide, msa waJese, tsine sibakho! Sihambisana nawe! Imphumelelo! Nalabo labakusitako ababe nemphumelelo! Ngobe Nkulunkulu wakho utakusita.” Davide wavele wabemukela, wababeka baba baholi bemabutfo akhe ekuhlasela.

1 Tikhronike 12:18 Referencias Cruzadas

2 Samuweli 15:21

Kodvwa Ithayi waphendvula inkhosi, watsi: “Nkhosi, ngifunga kuphila kwaSimakadze, nangenkhosi yami lephilako ngitsi, lapho inkhosi yami iya khona, ekuphileni nasekufeni, nenceku yakho itakuya khona.”

2 Samuweli 17:25

Absalomu abesabeke Amasa kutsi abe yindvuna yemabutfo akhe esikhundleni saJowabe. Amasa abengumsa walenye nje indvodza lekwakutsiwa nguJetheri libito layo, yayingum-Israyeli; unina wa-Amasa bekungu-Abigayili, indvodzakati yaNahashi, dzadzewaboSeruya, unina waJowabe.

2 Samuweli 19:13

Khulumani ku-Amasa nitsi: ‘Awusiyo yini wena ingati yami nenyama yami? Shangatsi Nkulunkulu angangijezisa angishaye kabuhlungu, nangabe kusukela nyalo ngingakubeki kutsi ube yindvuna yemphi yami esikhundleni saJowabe.’ ”

2 Samuweli 5:2

Kadzeni, ngesikhatsi Sawula aseyinkhosi etikwetfu, nguwe lowawuhola sive sema-Israyeli nasiyekulwa etimphini. Simakadze wakhuluma kuwe, watsi: ‘Wena utawuba ngumelusi wesive sami ema-Israyeli, ube ngumbusi waso.’ ”

1 Emakhosi 9:22

Kodvwa Solomoni akazange ente ngisho nome munye um-Israyeli kutsi abe sigcili; ema-Israyeli wona abengemabutfo akhe emphi, netiphatsimandla takhe tasembusweni, nebaholi bakhe, netindvuna takhe temabutfo, netebashayeli bakhe betincola, nebagibeli bakhe bemahhashi.

2 Emakhosi 10:15

Asesukile lapho, wefika kuJehonadabi, umsa waRekhabi, labesendleleni ayemhlangabeta. Jehu wambingelela watsi: “Ume ngakimi yini, njengobe nami ngibambisene nawe?” Jehonadabi wamphendvula, watsi: “Yebo.” Jehu watsi: “Nangabe kunjalo; bamba ingalo.” Ngako Jehonadabi wachawula, Jehu wamdvonsa, amgibelisa encoleni yakhe.

2 Emakhosi 10:5

Ngako indvuna yasesigodlweni, neyasedolobheni, nebaholi, kanye nebacizi bebantfwana batfumela umlayeto kuJehu, batsi: “Sitinceku takho, sitakwenta nome ngabe yini lotsi asiyente. Ngeke sibeke muntfu kutsi abe yinkhosi yetfu; yenta loko lokubona kutsi kuncono.”

2 Emakhosi 9:32

Jehu wabuka etulu efasitelweni, wamemeta watsi: “Ngubani lome ngakimi? Ngubani?” Babili nome batsatfu batsenwa bambuka ngelifasitelo.

1 Tikhronike 11:11

Lolu luhla lwetingwazi taDavide letatidvumile: wekucala kwakungu-Jashobeyamu, umHakhamoni, labeyindvuna yaLabatsatfu. Yena-ke wagwaza ngesikhali sakhe emadvodza langema-300, wawabulala onkhe emphini yinye.

1 Tikhronike 12:17

Davide waphuma wayawubahlangabeta, wafike wakhuluma kubo, watsi: “Nangabe nite lapha kimi ngekuthula kutengisita, ngitimisele kutihlanganisa nani. Kodvwa nangabe nitele kutangitsengisa etitseni tami ngesikhatsi tandla tami tisakhululekile ekulweni, shangatsi Nkulunkulu wabobabe angakubona loko, bese uyanehlulela.”

1 Tikhronike 2:17

Abigayili watala Amasa. Uyise wa-Amasa bekunguJetheri, um-Ishmayeli.

Isaya 59:17

Wembatsa kulunga njengesivikelo sakhe sesifuba, nesigcoko sensindziso enhloko yakhe. Wembatsa tingubo tekukhipha sibhongobhongo, watishumphetela ngenshisekelo njengesembatfo.

Zakhariya 8:23

Naku lokushiwo nguSimakadze longuSomandla, utsi: “Ngalawo malanga emadvodza lalishumi lasuka kuto tonkhe tilwimi netive ayawunkonkoshela umJuda munye ngemphetfo wesembatfo sakhe, atsi: ‘Asihambisane nani, ngobe sivile kutsi Nkulunkulu unani.’ ”

Matewu 12:30

“Longekho ngakimi, umelene nami; nalongabutsi kanye nami, uyasakata.

KubaseGalathiya 6:16

Kuthula nemusa akube kubo bonkhe labahamba ngalomyalo, ema-Israyeli aNkulunkulu.

Tikhulu 13:25

naMoya waSimakadze wacala kumnyakatisa ngesikhatsi aseMahane Dani, emkhatsini weSora ne-Eshtayoli.

Tikhulu 3:10

Moya waSimakadze wehlela kuye, ngako waba sikhulu sema-Israyeli; wabahola baya emphini. Simakadze wanikela Khushani Rishathayimu, inkhosi yaseMesophothamiya, esandleni sa-Othniyeli lowamehlula.

Tikhulu 6:34

Moya waSimakadze wehlela etikwaGideyoni; Gideyoni washaya licilongo atjela baka-Abiyezeri kutsi bamlandzele.

Ruthe 1:16

Ruthe waphendvula watsi: “Ngicela kutsi ungangincengi kutsi ngikushiye. Ngiyekele, ngihambe nawe. Lapho uya khona, nami ngitakuya khona; lapho uyawuhlala khona, nami ngiyawuhlala khona. Sive sakini, kuyawuba sive sami; naNkulunkulu wakho kube nguNkulunkulu wami.

1 Samuweli 16:4

Samuweli wenta loko labekutjelwe nguSimakadze. Watsi nakefika eBhetlehema, baholi belidolobha batfutfumela nabahlangana naye. Bambuta batsi: “Ute ngesihle yini?”

1 Samuweli 16:5

Samuweli waphendvula watsi: “Yebo, ngite ngesihle; ngitekwenta umhlatjelo kuSimakadze. Tingcweliseni, bese nita emhlatjelweni kanye nami.” Ngako wase ungcwelisa boJese kanye nemadvodzana akhe wabamemela emhlatjelweni.

1 Samuweli 22:7

Sawula wakhuluma kuto watsi: “Lalelani, madvodza akaBhenjamini! Indvodzana yaJese itaninika nonkhe yini emasimi netivini? Itanenta nonkhe yini kutsi nibe tindvuna tetinkhulungwane netindvuna temakhulu?

1 Samuweli 24:12

Shangatsi Simakadze angakhipha sigwebo emkhatsini wetfu sobabili. Shangatsi Simakadze angangiphindziselela ngabo bonkhe lobubi lobente kimi; kodvwa mine sandla sami singeke sikutsintse.

1 Samuweli 24:13

Njengobe kusho sisho salabadzala sitsi: ‘Kubenti balokubi kuvela tento letimbi,’ ngako mine ngingeke ngikubeke sandla.

1 Samuweli 24:16

Kwatsi kube Davide acedze kusho lamavi, Sawula wabuta watsi: “Livi lakho yini lelo, Davide, ndvodzana yami?” Wakhala kakhulu, amemeta.

1 Samuweli 8:12

Lamanye awo itawabeka abe tindvuna tetinkhulungwane, lamanye abe tindvuna tema-50, lamanye alime emasimini ayo aphindze awavune, lamanye ente tikhali temphi kanye netimphahla tetincola.