1 Tikhronike 11:22 - Siswati 1996 Bible

²² Bhenaya, umsa waJehoyada, waseKhabsiyeli, naye abengulomunye wetingwazi letatatiwa. Wenta tigemegeme letinyenti naye, njengekubulala kwakhe tingwazi letimbili letatatiwa takaMowabi. Wake wehlela phansi emgodzini ngalelinye lilanga kunangcocwane, wafike wabulala libhubesi.

1 Tikhronike 11:22 Referencias Cruzadas

2 Samuweli 1:23

“Sawula naJonathani basaphila babetsandvwa, baligugu, nasekufeni abazange behlukane. Bebanematubane kwendlula emangce, bebanemandla kwendlula emabhubesi.

2 Samuweli 20:23

Jowabe abesengamele yonkhe imphi yema-Israyeli; Bhenaya, umsa waJehoyada, abephetse emaKherethi nemaPhelethi.

2 Samuweli 8:18

Bhenaya, umsa waJehoyada, abephetse emaKherethi nemaPhelethi, emadvodzana aDavide wona abeliqoqo.

1 Emakhosi 1:38

Ngako boSadoki, umphristi, naNathani, umphrofethi, naBhenaya, umsa waJehoyada, nemaKherethi kanye nemaPhelethi behla bagibelise Solomoni etikwemnyuzi wenkhosi Davide, bamsingatsa baya naye eGihoni.

1 Emakhosi 1:8

Kodvwa boSadoki, umphristi, naBhenaya, umsa waJehoyada, naNathani, umphrofethi, naShimeyi, naReyi, kanye nabomahlalesangweni belikhetselo baDavide abazange batihlanganise na-Adoniya.

1 Emakhosi 2:30

Ngako Bhenaya wangena ethendeni laSimakadze, wafike watsi kuye: “Inkhosi itsi: ‘Phuma!’ ” Kodvwa waphendvula watsi: “Cha, ngitawufela lapha.” Bhenaya wahamba wayawubika enkhosini, watsi: “Jowabe ungiphendvule kanjena.”

1 Tikhronike 11:21

yena wadvunyiswa ngalokuphindvwe kwendlula leti letingema-30, waze wabekwa waba yindvuna yato, lite nome yena abengakabalwa nalaba Labatsatfu.

1 Tikhronike 12:28

naSadoki, libhungu lelaliyingwazi linesibindzi, akanye netindvuna takhe letatingema-22, temndeni wakabo;

1 Tikhronike 12:8

Labanye besive sakaGadi bahlephuka balandzela Davide ngesikhatsi asenqabeni ehlane. Bekutingwazi letatinesibindzi, letatilungele kulwa imphi, tikwati ngisho nekubamba lihawu nesikhali. Buso bato bekubuso bemabhubesi, kantsi futsi tatigijima ngekushesha lokukhulu njengetinyamatane tetintsaba.

Joshuwa 15:21

Emadolobha langaseningizimu yelive lakaJuda, kuya emnyeleni waka-Edomu, kwaba ngulawa: KwakuyiKhabsiyeli, ne-Ederi, neJaguri,