1 Tikhronike 11:16 - Siswati 1996 Bible

¹⁶ Ngaleso sikhatsi Davide abesekhatsi enqabeni, kantsi libutfo lemaFilisti lona laliseBhetlehema.

1 Tikhronike 11:16 Referencias Cruzadas

2 Samuweli 5:17

Atsi kube emaFilisti eve kutsi Davide sewugcotjwe kutsi abe yinkhosi yema-Israyeli, esusa lomkhulu umkhankhaso wekuyakumfuna, kodvwa Davide weva ngaloko, wabe sewuyehla uya enqabeni.

1 Tikhronike 11:17

Davide wativela asomile, wase utsi: “Awu! Kube mane kungaba khona longangikhelela emanti ekunatsa; ngomele emanti asemtfonjeni longasesangweni laseBhetlehema!”

Tihlabelelo 142:1

Ngikhala kuSimakadze ngelivi lami. Ngincenga Simakadze ngelivi lami.

1 Samuweli 10:5

“Nawusuka lapho, ubokhuphukela eGibeya yaNkulunkulu, lapho kunenkambu yemaFilisti khona. Utawutsi nawuyawungena kulelidolobha, uhlangane neludvwendvwe lwebaphrofethi lwehla lubuya endzaweni lephakeme, luphetse emahabhu, netingitali, netingubhu, nemintjingozi, luhambe lushaya, luphrofetha.

1 Samuweli 13:23

Licembu lelitsite lemaFilisti laphakwa laya emsahweni waseMikmashi.

1 Samuweli 13:4

Ngako onkhe ema-Israyeli ayiva lendzaba, nakutsiwa: “Sawula uhlasele inkambu yemaFilisti wayehlula, manje-ke ema-Israyeli asasikhubekiso kumaFilisti.” Sonkhe sive samenyetwa, sayawuhlangana naSawula eGilgali.

1 Samuweli 22:1

Davide wesuka eGathi, wabaleka, wayawubhaca emgedzeni wase-Adulamu. Batsi kube bakuve loko bomnakabo nebakubo, behla baya kuye.

1 Samuweli 22:4

Wase uyabaletsa, beta enkhosini yakaMowabi, bahlala nayo ngaso sonkhe leso sikhatsi, yena asesebhacile enqabeni.

1 Samuweli 22:5

Kodvwa umphrofethi Gadi wakhuluma kuDavide, watsi: “Ungahlali lapha enqabeni. Hamba uye eveni lakaJuda.” Ngako Davide wesuka wahamba, waya ehlatsini laseHarethi.

1 Samuweli 23:25

BoSawula nemabutfo akhe bacala batfungatsa, bafuna Davide, naDavide watjelwa ngaloko. Davide wabe sewehlela entansi edvwaleni, wahlala ehlane laseMayoni. Watsi kube eve Sawula, wahamba waya ehlane laseMayoni, acosha Davide.