1 Tikhronike 11:10 - Siswati 1996 Bible

¹⁰ Leti tinhloko tetingwazi taDavide letatidvumile, tona kanye nesive sonkhe sema-Israyeli, tabusekela kakhulu bukhosi bakhe, tabenta bandza nalo lonkhe live, njengobe Simakadze abetsembisile.

1 Tikhronike 11:10 Referencias Cruzadas

2 Samuweli 3:21

Abneri wakhuluma kuDavide, watsi: “Ngicela kutsi ngihambe khona nyalo inkhosi yami ngiyihlanganisele Israyeli wonkhe, khona sitekwenta sivumelwane kanye nawe, nekutsi utewubusa etikwako konkhe lokufisako.” Ngako Davide wase uhambisa Abneri; wahamba ngekuthula.

1 Tikhronike 11:3

Batsi kube befike bonkhe baholi bema-Israyeli enkhosini Davide eHebroni, wenta nabo sivumelwane eHebroni embikwaSimakadze; base bagcoba Davide kutsi abe yinkhosi yema-Israyeli, njengobe Simakadze abetsembisile ngaSamuweli.

1 Tikhronike 12:21

Basita Davide ekulweni nemabutfo labemhlasela, ngobe bonkhe babetingwazi letatinesibindzi, baba tindvuna temphi yakhe.

1 Tikhronike 12:23

Lawa ngemanani emadvodza labehlomile eta kutawusita Davide eHebroni, kutsi atewumniketa umbuso waSawula, njengobe Simakadze abeshito:

1 Tikhronike 12:24

Bekungemadvodza akaJuda, labehlome ngemahawu nangetikhali, abeti-6 800 labelungele kulwa imphi;

1 Tikhronike 12:38

Onkhe lamadvodza abetingwazi letatitinikelele kulwa emabutfweni. Eta eHebroni atimisele ngawo onkhe emandla kubeka Davide kutsi abe yinkhosi etikwa-Israyeli wonkhe. Onkhe lawa lamanye ema-Israyeli nawo abenamcondvo munye wekubeka Davide kutsi abe yinkhosi.

1 Tikhronike 12:39

Emadvodza ahlala naDavide emalanga lamatsatfu, adla, anatsa, ngobe imindeni yawo yayiwentele imiphako.

1 Tikhronike 27:1

Lolu-ke luhla lwemabito ema-Israyeli: Baholi bemindeni, netindvuna tetinkhulungwane, netemakhulu, naletinye tiphatsimandla letatibambisene nenkhosi kuko konkhe lokuphatselene nemabutfo labesemsebentini inyanga ngenyanga, wonkhe umnyaka. Lilinye libutfo lalinemadvodza labeti-24 000.

1 Tikhronike 28:1

Davide wabita tonkhe tiphatsimandla taka-Israyeli kutsi tihlanganele eJerusalema: Bekutindvuna letatiphetse tive, netindvuna letatiphetse emabutfo lasingatsa inkhosi, netindvuna tetinkhulungwane, netindvuna temakhulu, netindvuna letatengamele tonkhe timphahla kanye netifuyo tenkhosi, netemadvodzana ayo, kanye netindvuna tasesigodlweni, nemadvodza lanemandla kanye netingwazi temphi.

1 Samuweli 16:1

Simakadze wakhuluma kuSamuweli, watsi: “Utamkhalela kuze kube ngunini Sawula, ngobe sengimalile kutsi abe yinkhosi yema-Israyeli? Gcwalisa luphondvo lwakho ngemafutsa, ungenele indlela yakho. Ngikutfuma endlini yakaJese waseBhetlehema, ngobe ngitikhetsele lomunye wemadvodzana akhe kutsi abe yinkhosi.”