1 Tikhronike 10:2 - Siswati 1996 Bible

² EmaFilisti abahlala emsileni boSawula nemadvodzana akhe. EmaFilisti abulala emadvodzana aSawula: boJonathani, na-Abinadabi, naMalkhi Shuwa.

1 Tikhronike 10:2 Referencias Cruzadas

2 Emakhosi 23:29

Ngesikhatsi Josaya ayinkhosi, Faro Nekho, inkhosi yaseGibhithe, wenyuka wayawusita inkhosi yase-Asiriya ngasemfuleni iYufrathe. Inkhosi Josaya yamhlangabeta, imphi yabambana etulu, kodvwa Nekho wabhekana naJosaya, wambulalela eMegido.

2 Emakhosi 25:7

Emadvodzana aSedekiya abulawa embikwemehlo akhe abukile. Emvakwaloko bakupuluta emehlo aSedekiya, bambopha ngetinketane telitfusi, bammikisa eBhabhulona.

1 Tikhronike 10:3

Imphi yashuba ngakuSawula, lababenemba ngebutjoki bamkhandza, bamhlaba ngemicibisholo.

1 Tikhronike 8:33

Neri abenguyise waKhishi, Khishi abenguyise waSawula, Sawula abenguyise waboJonathani, naMalkhi Shuwa, na-Abinadabi kanye na-Eshbhali.

1 Tikhronike 9:39

Neri abenguyise waKhishi, Khishi anguyise waSawula, Sawula anguyise waboJonathani, naMalkhi Shuwa, na-Abinadabi kanye na-Eshbhali.

Eksodusi 20:5

Ungasikhotsameli nome usikhonte, ngobe mine Simakadze, Nkulunkulu wakho, nginguNkulunkulu lonesikhwele. Labo labangitondzako sijeziso sami ngesono saboyise ngisehlisela ngisho nakubantfwana babo besitukulwane sesitsatfu nesesine.

1 Samuweli 14:49

Emadvodzana aSawula bekuboJonathani, na-Jishvi, naMalkhi Shuwa. Libito lendvodzakati lendzala bekunguMerabi, kantsi lena lencane bekunguMikhali.

1 Samuweli 14:6

Jonathani wakhuluma kuloludzibi lwakhe, watsi: “Kota sambe, siye kulenkambu lapho kumise khona labantfu labangakasoki. Mhlawumbe Simakadze utawuba ngakitsi. Kute lokungavimba Simakadze kutsi asimelele. Kute lokungaphatamisa Simakadze kutsi asisindzise ngebantfu labanyenti nome ngebantfu labambalwa.”

1 Samuweli 31:2

EmaFilisti abahlala emsileni boSawula nemadvodzana akhe. EmaFilisti abulala emadvodzana aSawula: boJonathani, na-Abinadabi, naMalkhi Shuwa.