1 Tikhronike 10:12 - Siswati 1996 Bible

¹² tonkhe tihlabani takhona tashuca tayakutsatsa letidvumbu taboSawula kanye nemadvodzana akhe batimikisa eJabeshi. Tase tingcwaba ematsambo abo ngaphansi kwesihlahla lesikhulu saseJabeshi, tazila emalanga lasikhombisa.

1 Tikhronike 10:12 Referencias Cruzadas

Genesisi 12:6

Abrama wahamba wadzabula live, waze wefika eShekhemu, ngasema-okhini aseMore. EmaKhenani abehlala kulelo live ngaleso sikhatsi.

Genesisi 35:8

Debhora, sisebenti saRebheka, wafa wangcwatjwa ngaphansi kwesihlahla se-okhi eningizimu neBetheli, ngako-ke Jakobe lendzawo wayetsa libito watsi yi-Aloni Bhakhuthi.

Genesisi 50:10

Batsi nabefika ka-Athadi ebaleni lekubhulela emabele ngesheya kwe-Jordane, bakhala kabuhlungu. Josefa wenta imisimeto yekulila emalanga lasikhombisa.

2 Samuweli 3:35

Base bayefika kutawucela Davide kutsi sale asadla kusesemini, kodvwa Davide watsatsa sifungo, watsi: “Shangatsi Nkulunkulu angangishaya ngife, nangingadla lilanga lisengakashoni!”

1 Tikhronike 10:11

Batsi kube bonkhe bantfu baseJabeshi Gileyadi beve ngako konkhe lokwase kwentiwe ngemaFilisti kuSawula,

Johane 11:19

EmaJuda lamanyenti abesetile kutawulilela boMata naMariya ngalokufa kwemnakabo.

1 Samuweli 11:1

Nahashi, um-Amoni, wakhuphuka wayawuvimbetela iJabeshi Gileyadi. Onkhe emadvodza aseJabeshi amncenga atsi: “Yenta sivumelwane natsi, sitawuba tinceku takho.”

1 Samuweli 11:9

Batjela letigijimi letatifikile batsi: “Tjelani lamadvodza aseJabeshi Gileyadi nitsi: ‘Kusasa lilanga litawutsi licala kufutfumala, nine nitabe senikhululekile.’ ” Tatsi letigijimi natifika tikubika loko kulamadvodza aseJabeshi, ajabula kakhulu.

1 Samuweli 31:12

tonkhe tihlabani takhona tashuca busuku bonkhe tacondza eBhethi Shani. Tafike tetfula tidvumbu taboSawula nemadvodzana akhe elubondzeni lweBhethi Shani, tancandzeka nato tabuyela eJabeshi, lapho tafike tatishisela khona ngemlilo.