1 Samuweli 9:7 - Siswati 1996 Bible

⁷ Sawula wakhuluma esisebentini sakhe, watsi: “Nangabe siya kuye nyalo sitawufike simnikeni? Kudla bekulapha emasakeni etfu sekuphelile. Kute sipho lesingahamba naso siye kulomuntfu waNkulunkulu. Yini nje lesinayo?”

1 Samuweli 9:7 Referencias Cruzadas

1 Emakhosi 13:7

Inkhosi yakhuluma kulomuntfu waNkulunkulu, yatsi: “Wota sambe siye ekhaya lami utewutfola lokudliwako, ngitabe sengikunika nesipho.”

1 Emakhosi 14:3

Tsatsa imikhama lelishumi yetinkhwa uhambe nayo, nemacebelengwane, kanye nelijeke leluju, uye kuye. Yena utakutjela kutsi kutakwentekani kulomsa wami.”

2 Emakhosi 4:42

Kwabe sekufika indvodza leyayiphuma eBhali Shalisha, iletsele lomuntfu waNkulunkulu imikhama yetinkhwa letingema-20 tebhali yetilinga kanye netihloko takolo lomusha emnyakeni. Elisha wakhuluma watsi: “Nika labantfu batekudla.”

2 Emakhosi 5:15

Namani kanye netinceku takhe tonkhe wahamba wabuyela kulomuntfu waNkulunkulu. Wafike wema embikwakhe watsi: “Manje sengiyati kutsi emhlabeni wonkhe kute nkulunkulu lofanana naNkulunkulu wema-Israyeli. Ngicela kutsi wemukele nasi sipho lesiphuma kimi, inceku yakho.”

2 Emakhosi 5:5

Inkhosi yaseSiriya yaphendvula, yatsi: “Kulungile, hamba. Mine ngitawutfumela incwadzi lena enkhosini yaka-Israyeli.” Ngako Namani wahamba; abephetse isiliva leyayingemakhilogremu labengaba ngema-340, negolide leyayingemakhilogremu labengaba ngema-70, kanye netimphahla tekwembatsa tekuntjintja letilishumi.

2 Emakhosi 8:8

yatsi kuHazayeli: “Tsatsa sipho uhambe naso uyewuhlangabeta lomuntfu waNkulunkulu ngaso. Buta kuSimakadze ngaye, utsi: ‘Ngitawusindza yini kulokugula?’ ”

2 Emakhosi 8:9

Hazayeli wahamba wayawuhlangabeta Elisha, wachuba nalesipho bekayakumnika sona setfwelwe ngemakamela langema-40. Kwakusipho lesasitinhlobonhlobo tetintfo leticolisakele taseDamaseko. Wangena wema embikwakhe, watsi: “Indvodzana yakho Bheni Hadadi, inkhosi yemaSiriya, ingitfume kutsi ngitewubuta kutsi itawusindza yini kulokugula.”

Hezekeli 13:19

Nine ningihlambalatile emkhatsini wesive sami, ngobe nicondze kutfola emabinta lambalwa nje ebhali netingebhuta letimbalwa tesinkhwa. Ngekukhuluma emanga esiveni sami, lesilalela emanga, nibabulele labo lebekufanele bangafi, nasindzisa lebekufanele bafe.

Tikhulu 6:18

Ngicela ungahambi, ngize ngibuye ngiletse umnikelo wami ngiwuletse embikwakho.” Simakadze watsi: “Ngitakumela uze ubuye.”