1 Samuweli 9:17 - Siswati 1996 Bible

¹⁷ Watsi Samuweli nakabona Sawula, Simakadze wakhuluma kuye, watsi: “Nangu-ke lomuntfu lengikhulume ngaye kuwe. Nguye lotawubusa sive sami.”

1 Samuweli 9:17 Referencias Cruzadas

Nehemiya 13:19

Kwatsi nase limatfunti emasangweni aseJerusalema kutawusa kube liSabatha, ngatsi akuvalwe yonkhe iminyango ingavulwa kuze kube ngusekupheleni kweliSabatha. Ngamisa lamanye emadvodza akami emasangweni kuze kungabikho umtfwalo longenako ngelilanga leliSabatha.

Nehemiya 13:25

Ngabatsetsisa kamatima, ngaze ngabacalekisa. Ngavele ngawashaya lamanye alawo madvodza, ngaze ngawabamba ngetihlutfu. Ngabafungisa ngelibito laNkulunkulu, ngatsi: “Aniyikwendzisa emadvodzakati enu emajaheni abo, futsi nani ningawatsatseli emadvodzana enu bafati etintfombini tabo, nani futsi ningabatsatsi bafati kubo.

Jeremiya 32:8

“Ngako-ke, njengobe Simakadze abeshito, umzala wami Hanameli weta kimi esibuyeni sabogadzi, watsi: ‘Tsenga insimi yami e-Anathothi, eveni lakaBhenjamini. Njengobe kulilungelo lakho kutsi uyihlenge ibe yakho, titsengele yona.’ “Ngavele ngati kutsi leli bekulivi laSimakadze;

Hoseya 13:11

Ngako ngekutfukutsela kwami nganinika inkhosi, nangelulaka lwami ngaphindze ngayisusa.

Imisebenti yebaPhostoli 13:21

Lapho bacela inkhosi, Nkulunkulu wabanika Sawula, indvodzana yaKishi, wesive sakaBhenjamini, waba yinkhosi yabo iminyaka lengema-40.

1 Samuweli 3:13

Ngobe ngamtjela kutsi indlu yakhe ngitayehlulela phakadze naphakadze ngenca yesono lasatiko: Emadvodzana akhe atidvonsele sicalekiso, naye akazange awekhute kutsi ayekele.

1 Samuweli 9:18

Sawula wacondza kuSamuweli esangweni, wafike wabuta, watsi: “Ngicela kubuta kutsi ungete wangikhombisa yini indlu yemboniswa?”