1 Samuweli 9:16 - Siswati 1996 Bible

¹⁶ “Kusasa ngaso lesikhatsi ngitakutfumelela indvodza lephuma eveni lakaBhenjamini. Uboyigcoba ibe ngumholi etikwesive sami sema-Israyeli. Utawukhulula bantfu bami esandleni semaFilisti. Labantfu bami sengibabukile, nekukhala kwabo sekufikile kimi.”

1 Samuweli 9:16 Referencias Cruzadas

2 Samuweli 3:18

Manje kwenteni loko! Ngobe Simakadze wetsembisa Davide watsi: ‘Ngenceku yami Davide ngiyakwephula sive sonkhe sema-Israyeli esandleni semaFilisti nasetandleni tato tonkhe titsa taso.’ ”

2 Emakhosi 20:5

“Ncandzeka uyewutjela Hezekiya, umholi wesive sami, utsi: ‘Naku lokushiwo nguSimakadze, Nkulunkulu weyihlomkhulu, Davide, utsi: Ngiwuvile umthandazo wakho, ngatibona netinyembeti takho; ngitakuphilisa. Ngelilanga lesitsatfu kusukela lamuhla utawukhuphukela ethempelini laSimakadze.

Tihlabelelo 102:1

Awu, Simakadze! Vani umthandazo wami. Kukhala kwami akufinyelele kuwe.

Tihlabelelo 106:44

Noko walunaka lusizi lwabo, asakuvile kukhala kwabo.

Tihlabelelo 25:18

Buka kuhlupheka kwami nekukhandleka kwami, ungitsetselele tonkhe tono tami.

Taga 16:9

Umuntfu angayihlela indlela yakhe; kodvwa nguSimakadze locondzisa tinyatselo takhe.

Jeremiya 32:8

“Ngako-ke, njengobe Simakadze abeshito, umzala wami Hanameli weta kimi esibuyeni sabogadzi, watsi: ‘Tsenga insimi yami e-Anathothi, eveni lakaBhenjamini. Njengobe kulilungelo lakho kutsi uyihlenge ibe yakho, titsengele yona.’ “Ngavele ngati kutsi leli bekulivi laSimakadze;

1 Samuweli 10:1

Samuweli wase utsatsa lichaga lelalinemafutsa, wawatsela enhloko yaSawula, wamanga, watsi: “Angitsi Simakadze ukugcobile kutsi ube ngumholi welifa lakhe?

1 Samuweli 14:20

Sawula nawo onkhe emadvodza akhe bahlangana, baviva, baya emphini. Bakhandza emaFilisti asasangene, agwazana odvwana ngetikhali tawo.

1 Samuweli 14:23

Ngako Simakadze wawasindzisa kanjalo ema-Israyeli ngalelo langa, imphi yachubeka eBhethi Aveni.

1 Samuweli 15:1

Samuweli wakhuluma kuSawula, watsi: “Ngimi lowatfunywa nguSimakadze kuyakukugcoba kutsi ube yinkhosi etikwesive sakhe, ema-Israyeli; ngako lalela nankhu-ke umlayeto lophuma kuSimakadze.

1 Samuweli 16:1

Simakadze wakhuluma kuSamuweli, watsi: “Utamkhalela kuze kube ngunini Sawula, ngobe sengimalile kutsi abe yinkhosi yema-Israyeli? Gcwalisa luphondvo lwakho ngemafutsa, ungenele indlela yakho. Ngikutfuma endlini yakaJese waseBhetlehema, ngobe ngitikhetsele lomunye wemadvodzana akhe kutsi abe yinkhosi.”

1 Samuweli 16:3

Ubobe sewumema Jese kulomhlatjelo, mine ngitawube sengiyakulayela kutsi wente njani. Uyawungigcobela lowo lengitakulayela yena.”