1 Samuweli 9:13 - Siswati 1996 Bible

¹³ Nitawutsi nisangena edolobheni, nimkhandze asengakaphumi kwenyukela entsabeni kuyakudla. Bantfu bangeke bacale kudla angakefiki, ngobe phela kufanele awubusise lomhlatjelo; emvakwaloko-ke, labo labamenyiwe batawube sebayadla. Yenyukani, nifanele kumkhandza ngaso lesikhatsi.”

1 Samuweli 9:13 Referencias Cruzadas

2 Samuweli 15:11

Emadvodza langema-200 labephuma eJerusalema abephekeletele Absalomu. Abemenywe njengetivakashi, avuma ahamba, angati lutfo ngaleyo ndzaba.

Matewu 14:19

Jesu wase utjela bantfu kutsi bahlale phansi etjanini, watsatsa letinkhwa letisihlanu naletinhlanti letimbili, wabuka etulu, wabusisa. Wahlephula tinkhwa wanika bafundzi bakhe, bona base bemukelisa leticumbi.

Matewu 26:26

Batsi basadla, Jesu watsatsa sinkhwa, wasibusisa, wasihlephula, wasinika bafundzi, watsi: “Tsatsani nidle, loku ngumtimba wami.”

Makho 6:41

Watsatsa letinkhwa letisihlanu naletinhlanti letimbili wabuka etulu ezulwini, watibusisa. Wahlephula letinkhwa watiniketa bafundzi bakhe kutsi batabele labantfu; wacetuna naletinhlanti letimbili wabanika bonkhe.

Lukha 24:30

Nasekudliwa, watsatsa sinkhwa, wasibusisa, wase uyasihlephula, sewuyabanika.

Lukha 9:16

Jesu wase utsatsa letinkhwa letisihlanu netinhlanti letimbili wabuka ezulwini, watibusisa, watihlephula wase utinika bafundzi bakhe kutsi babele bantfu.

Johane 6:11

Jesu watitsatsa letinkhwa, wabonga, wase utiphakululela laba bebahleti phansi, wabuye, wenta njalo futsi nangetinhlanti, kwaya ngekutsi basakufuna yini kudla.

Johane 6:23

Kodvwa letinye tikebhe lebetiphuma eThibheriyase, tefika edvutane naleyo ndzawo, lapho lesicumbi sasidlele khona tinkhwa emvakwekubonga kweNkhosi.

1 kubaseKorinthe 10:30

Nangabe ngidla ngekubonga nginyembenyelwani ngalengikubongako?”

1 kuThimothi 4:4

Ngobe konkhe lokudalwe nguNkulunkulu kulungile. Kuko konkhe lokwemukelwa ngekubonga kute lokufanele kwaliwe,

1 Samuweli 2:35

Ngiyawutivusela mine umphristi lowetsembekile, loyawukwenta loko lokusenhlitiyweni yami nasengcondvweni yami. Ngiyakumakhela situkulwane lesicinile, uyawuhamba embikwalogcotjiwe wami phakadze naphakadze.

1 Samuweli 9:14

Bavele benyukela edolobheni, batsi basangena nje kulo, bambona Samuweli, eta ngakubo, asendleleni lecondze etulu entsabeni.