1 Samuweli 8:7 - Siswati 1996 Bible

⁷ Simakadze wakhuluma kuye, watsi: “Kulalele konkhe loko lokukhulunywa ngulesive kuwe; akusiwe labamlahlile, kodvwa sebalahle mine kutsi ngibe yinkhosi yabo.

1 Samuweli 8:7 Referencias Cruzadas

Eksodusi 16:8

Mosi wachubeka watsi: “Simakadze utanipha inyama kusihlwa, ekuseni aniphe sinkhwa lesenele, ngobe sewukuvile kukhonona kwenu. Tsine siyini nje? Phela anikhononi ngatsi, kodvwa nikhonona ngaSimakadze.”

Isaya 66:4

Ngako-ke nami ngiyawukhetsa kubaphatsa ngesandla lesicinile, ngehlisele etikwabo loko labakwesabako. Ngobe ngatsi nangimemeta, kwabate losabelako; ngatsi nangikhuluma, kwabate lolalelako. Benta lokubi emehlweni ami, bakhetsa loko lokungangijabulisi.”

Jeremiya 34:14

‘Njalo nje ngemnyaka wesikhombisa ngulowo nalowo wenu kufanele akhulule sigcili sakhe lesingumHebheru lotitsengise yena. Nasakusebentele iminyaka lesitfupha, kufanele umkhulule.’ Noko boyihlo abazange bangilalele, futsi abanginakanga nekunginaka.

Hezekeli 2:3

Watsi: “Ndvodzana yemuntfu, ngikutfumela kuma-Israyeli, esiveni lesihlubukako nalesingihlubukile; bona naboyise solomane bayangihlubuka kuze kube ngulamuhla.

Hezekeli 3:7

Kodvwa indlu yaka-Israyeli ayikatimiseli kukulalela, ngobe ayikatimiseli nekulalela mine, ngobe yonkhe indlu yaka-Israyeli inenhloko lelukhuni nenhlitiyo lelitje.

Numeri 22:20

Ngalobo busuku Nkulunkulu wefika kuBhalamu, watsi: “Njengobe lamadvodza akulandzile, hamba nawo, kuphela wente loko lengikutjela kona.”

Matewu 10:40

“Lonemukelako nine, wemukela mine; nalowemukela mine, wemukela longitfumile.

Lukha 10:16

Wase utsi kubafundzi bakhe: “Lonilalelako, ulalela mine; longanemukeli, akemukeli mine; nalowo longangemukeli, akamemukeli nalowo longitfumile.”

Lukha 19:14

Kantsi takhamiti tatimtondza, ngako tase titfumela tigijimi kutsi tiyewubika tifike titsi: ‘Asimfuni lowo muntfu abe yinkhosi yetfu.’

Lukha 19:27

Njengamanje nje, tonkhe letitsa tami betingafuni kutsi ngibe yinkhosi yato, tiletseni la nitibulale embikwami.’ ”

Johane 13:16

Ngicinisile, ngicinisile, ngitsi kini: Sisebenti asisikhulu kunemcashi waso, nalowo lotfunyiwe akamkhulu kunalowo lamtfumile.

Tikhulu 8:23

Kodvwa Gideyoni wawatjela watsi: “Ngingeke nginibuse, ngisho nemsa wami imbala. NguSimakadze lotanibusa.”

1 Samuweli 10:19

Kodvwa nyalo senimlahlile Nkulunkulu wenu lowanisindzisa kuto tonkhe tinhlupheko tenu netinhlungu tenu, nase nitsi: ‘Hhayi, sibekele inkhosi.’ Ngako-ke tetfuleni nine cobo lwenu embikwaSimakadze ngetive tenu, nangemindeni yenu.”

1 Samuweli 12:1

Samuweli wakhuluma esiveni sonkhe sema-Israyeli, watsi: “Ngikulalele konkhe lenikukhulumile kimi, ngase nginibekela inkhosi letanibusa.

1 Samuweli 12:12

“Kodvwa nine nitsite kube nibone kutsi Nahashi, inkhosi yema-Amoni, uyanisukela, nase nitsi kimi: ‘Hhayi; tsine sesifuna inkhosi letawubusa etikwetfu.’ Kodvwa noko Simakadze Nkulunkulu wenu abeyinkhosi yenu.

1 Samuweli 8:22

Simakadze waphendvula watsi: “Balalele, bese ubanika inkhosi.” Ngako Samuweli wakhuluma kulamadvodza aka-Israyeli, watsi: “Ngulowo nalowo akabuyele edolobheni lakubo.”

1 Samuweli 8:8

Njengobe bebenta kusukela mhlazana ngibakhipha eGibhithe kuze kube ngulamuhla, bangilahla base bakhonta labanye bonkulunkulu, namanje-ke sebenta kona loko nakuwe.