1 Samuweli 7:13 - Siswati 1996 Bible

¹³ Ehlulwa kanjalo-ke emaFilisti, akazange aphindze ahlasele live lema-Israyeli. Kuwo onkhe emalanga ekuphila kwaSamuweli sandla saSimakadze sasiphambene nemaFilisti.

1 Samuweli 7:13 Referencias Cruzadas

2 Samuweli 8:1

Kwatsi emvakwaloko, Davide wahlasela emaFilisti, wawehlula, wawemuka emandla ekutibusa wona eveni, watsatsa neMethegi Ama, wayikhipha ekubusweni ngemaFilisti.

Tikhulu 13:1

Baka-Israyeli baphindza benta lokubi emehlweni aSimakadze; ngako Simakadze wabanikela esandleni sema-Filisti iminyaka lengema-40.

Tikhulu 13:5

ngobe utawukhulelwa utale indvodzana. Kute insingo leyawusetjentiswa enhloko yakhe, ngobe lomfana uyawuba ngumNaziri lowehlukaniselwe Nkulunkulu kwasekutalweni kwakhe. Nguye lotawucala kukhulula sive sema-Israyeli esandleni semaFilisti.”

Tikhulu 8:28

Atfotjiswa kanjalo-ke emaMidiyani ngaphansi kwa-Israyeli, akazange aphindze atiphakamise. Ngesikhatsi saGideyoni ema-Israyeli aba nekuthula iminyaka lengema-40.

1 Samuweli 12:11

Ngako Simakadze watfumela boJerubhali; naBharaki, naJefta, naSamuweli, wanikhulula esandleni setitsa tenu, ndzawo tonkhana, naze nahlala kahle nivikelekile.

1 Samuweli 5:9

Kodvwa atsi kube alisuse, sandla saSimakadze salivukela lelo dolobha, langenelwa kutfutfumela lokukhulu. Bantfu balo, labadzala nalabancane, bashaywa ngekubhedvuka kwematfumba.