1 Samuweli 7:12 - Siswati 1996 Bible

¹² Samuweli wabe sewutsatsa litje, walimisa emkhatsini waseMispa naseSheni. Waletsa libito watsi yi-Ebheni Eza, atsi: “Simakadze usisite kwaze kwaba ngumanje.”

1 Samuweli 7:12 Referencias Cruzadas

Genesisi 22:14

Ngako-ke Abrahama wetsa leyo ndzawo libito, watsi: “Simakadze uyatibonela.” Nalamuhla lendzawo bantfu basayibita ngekutsi: “Simakadze uyatibonela entsabeni.”

Genesisi 35:14

Kwase kutsi lapho akhuluma khona naNkulunkulu Jakobe wemisa litje lesikhumbuto, walitsela ngeliwayini nangemafutsa.

Tihlabelelo 71:17

Yebo, Nkulunkulu, wangifundzisa kusukela ebusheni bami, kuze kube ngunyalo ngisayimemetela imisebenti yakho lemangalisako.

Tihlabelelo 71:6

Seloku ngatalwa ngeyeme kuwe, nguwe lowangenta ngatalwa, ngiyawukudvumisa ngingakhawuli.

Eksodusi 17:15

Mosi wakha lilati waletsa libito watsi: “Lolu luphawu lwewungincobela kwaSimakadze.”

Isaya 19:19

Ngalelo langa kuyawuba nelilati laSimakadze ekhatsi eveni laseGibhithe, nensika lesikhumbuto saSimakadze eminyeleni yaseGibhithe.

Imisebenti yebaPhostoli 26:22

Kodvwa kuze kube ngulamuhla Nkulunkulu usangisitile. Ngako-ke namanje lo ngime la ngifakaza kubo bonkhe bantfu, labancane nalabakhulu, hhayi lokunye, kodvwa kona loko lokwashiwo baphrofethi naMosi kutsi kuyakwenteka,

2 kubaseKorinthe 1:10

Nkulunkulu wasikhulula kuleyo ngoti yekufa. Nanyalo usetawusikhulula futsi. Litsemba letfu silibeke kuye kwekutsi uyawusikhulula nangemuso,

Joshuwa 4:9

Joshuwa wemisa lamatje lali-12 labesekhatsi neJordane, lapho bekume khona baphristi lababetfwele libhokisi lesivumelwane; asekhona lapho nalamuhla loku.

1 Samuweli 14:35

Sawula wakhela Simakadze lilati; bekakwenta kwekucala loko.

1 Samuweli 4:1

Livi laSamuweli lalivakala lihloniphekile kuso sonkhe sive sema-Israyeli. Ema-Israyeli akhuphuka ayakulwa nemaFilisti. Ema-Israyeli afike akamba e-Ebheni Eza, kwatsi emaFilisti wona akamba e-Afeki.

1 Samuweli 5:1

Atsi kube emaFilisti alitfumbe libhokisi lesivumelwane saNkulunkulu, alitsatsa e-Ebheni Eza alimikisa e-Ashdodi.

1 Samuweli 7:11

Emadvodza aka-Israyeli aphuma eMispa acosha lamaFilisti, awagwaza, awabulala yonkhe indlela, aze efika entansi neBhethi Khari.