1 Samuweli 6:6 - Siswati 1996 Bible

⁶ Nitentelani tinhlitiyo tenu tibe lukhuni njengebaseGibhithe nanjengaFaro? Ngesikhatsi Nkulunkulu abahlupha kamatima, abazange yini bawakhulule ema-Israyeli kuze ahambe indlela yawo?

1 Samuweli 6:6 Referencias Cruzadas

Jobe 9:4

Kuhlakanipha kwaNkulunkulu kujulile, emandla akhe abanti kakhulu. Ngubani nje lowake wacinisa inhloko kuye, wachubeka waphumelela angulote sici?

Tihlabelelo 95:8

“Ningatenti lukhuni tinhlitiyo tenu, njengaseMeribha nanjengamhlazane baseMasa,

Eksodusi 10:3

Ngako-ke boMosi na-Aroni bahamba baya kuFaro, bafike kuye batsi: “Simakadze, longuNkulunkulu wemaHebheru, utsi: ‘Kutawuze kube ngunini seloku wala kutitfoba kimi? Khulula bantfu bami bahambe, khona batewungikhonta.

Eksodusi 14:17

Tinhlitiyo temaGibhithe ngitente taba lukhuni kangangekutsi atanilandzela, kodvwa ngitatentela ludvumo ngekuncoba Faro, nemabutfo akhe, lanemahhashi netincola temphi.

Eksodusi 14:23

EmaGibhithe acosha ema-Israyeli awalandzela, angena ekhatsi nelwandle ngemahhashi awo onkhe, netincola tawo temphi kanye nebashayeli bato.

Eksodusi 4:21

Simakadze wakhuluma kuMosi, watsi: “Nase ubuyele eGibhithe, ucaphele kutsi uyente embikwaFaro yonkhe lemimangaliso lengikunike emandla ekuyenta. Kodvwa ngiyawuyenta ibe lukhuni inhlitiyo yaFaro, ngako angeke asivumele sive sami kutsi sihambe.

Eksodusi 7:13

Inhlitiyo yaFaro yajinge yaba lukhuni, akazange abalalele, njengobe Simakadze abeshito.

Eksodusi 7:14

Simakadze wakhuluma kuMosi, watsi: “Inhlitiyo yaFaro seyilukhuni, uyala kukhulula labantfu kutsi bahambe.

Eksodusi 8:15

Kodvwa Faro watsi kube abone kutsi tigogodvolo setifile, wenta inhlitiyo yakhe yaba lukhuni, njengobe abevele ashito Simakadze. Faro akazange abalalele boMosi na-Aroni kutsi batsini.

Eksodusi 8:32

Kodvwa Faro waphindze wenta inhlitiyo yakhe yaba lukhuni, wangete wabavumela kutsi bahambe.

Eksodusi 9:16

Kodvwa noko kuze kube manje ngisakuphephisile, khona ngitekukhombisa emandla ami, nekutsi libito lami litewudvunyiswa emhlabeni wonkhe.

Eksodusi 9:34

Kodvwa Faro watsi kube abone kutsi imvula nesangcotfo kanye nekudvuma sekukhawulile, waphindze wona; yena netiphatsimandla takhe benta tinhlitiyo tabo taba lukhuni.

KubaseRoma 2:5

Kodvwa ngebulukhuni nangenkhani yekungaphendvuki kwenhlitiyo yakho, utibekela lulaka lube lukhulu ngelilanga lelulaka. Ngalelo langa iyawukhanya indlela Nkulunkulu lehlulela ngayo kutsi imsulwa.

KumaHebheru 3:13

Kodvwa khutsatanani onkhe emalanga yingci nakusatsiwa: “Lamuhla”, kutsi kubete lowentiwa inhlitiyo yakhe ibe lukhuni ngekuyengwa sono.