1 Samuweli 6:5 - Siswati 1996 Bible

⁵ Bumbani imifanekiso yematfumba enu neyemagundvwane lekungatsi abhubhise lelive, nimnike ludvumo Nkulunkulu wema-Israyeli. Mhlawumbe uyakusiphakamisa sandla sakhe lesimatima etikwenu, nasetikwabonkulunkulu benu, nasetikwelive lenu.

1 Samuweli 6:5 Referencias Cruzadas

1 Tikhronike 16:28

“Nikani Simakadze, nine mindeni yetive, nikani Simakadze ludvumo nemandla.

1 Tikhronike 16:29

Nikani Simakadze ludvumo lolufanele libito lakhe, ngenani embikwakhe, niletse kuye umnikelo. Khotsamani nikhuleke kuSimakadze, lowembetse bungcwele bakhe.

Tihlabelelo 18:44

Betive batsi bangangiva, bangihlonipha masinyane, beta kimi bakhasa.

Tihlabelelo 32:4

Imini nebusuku sandla sakho sasimatima etikwami, emandla ami oma njengekomisa kwasehlobo. Cabanga.

Tihlabelelo 39:10

Susa kimi umvimba wakho lobuhlungu, sengifile tidvubule tekushaya kwakho.

Tihlabelelo 66:3

Khulumani kuNkulunkulu nitsi: “Maye, imisebenti yakho mikhulu iyesabeka. Titsa takho titawuta kuwe tikhasa ngemadvolo, ngenca yemandla akho lamakhulu.

Eksodusi 12:12

“Ngalobo busuku ngiyawuhamba ngidzabule emkhatsini welive laseGibhithe ngishaye onkhe ematubulo lamadvuna aseGibhithe ebantfu newetifuyo, ngehlulele tonkhe tithico taseGibhithe; nginguSimakadze!

Eksodusi 8:17

Bavele bakwenta loko. Aroni welula sandla sakhe, washaya lutfuli lwemhlabatsi ngendvuku yakhe; lonkhe lutfuli lwagucuka lwaba timbuzulwane letahlasela bantfu netilwane. Lonkhe lutfuli lwemhlabatsi eGibhithe lwagucuka lwaba timbuzulwane.

Eksodusi 8:24

Simakadze wavele wakwenta loko. Watfumela lifu letibawu esigodlweni saFaro, nasetindlini tetiphatsimandla takhe, naseveni lonkhe laseGibhithe. Tibawu talibhubhisa live lonkhe laseGibhithe.

Eksodusi 8:5

Simakadze wakhuluma kuMosi, watsi: “Tjela Aroni utsi: ‘Yelula sandla sakho lesinendvuku usibhekise ngasemifuleni, nasemachaphotini, nasetitibeni wente tigogodvolo tiphumele ngaphandle emhlabatsini eveni laseGibhithe.’ ”

Isaya 19:1

Livi lesembulo lelimacondzana nelive laseGibhithe: Buka la, Simakadze ugibela lifu leligijima kakhulu, ubange kulaseGibhithe. Tithico taseGibhithe tiyawutfutfumela embikwakhe, netinhlitiyo tebantfu baseGibhithe tiyancibilika ngekhatsi kwabo.

Isaya 42:12

Abanike Simakadze ludvumo, bamemetele ludvumo lwakhe etichingini.

Jeremiya 13:16

Mnikeni ludvumo Simakadze Nkulunkulu wenu, asengakabuletsi bumnyama, tinyawo tenu tisengakakhubateli emagcumeni lahwalalisako. Netsembele ekukhanyeni, kodvwa utakugucula, akwente kube bumnyama lobuphatsekako, yebo, akwente kube lusizi lolujulile.

Jeremiya 3:13

Intfo-nje, vuma licala lakho lekutsi umhlubukile Simakadze Nkulunkulu wakho, usakate kutsandza kwakho kubonkulunkulu betive ngaphansi kwato tonkhe tihlahla letendlala emagala ato, wangete wangilalela mine,’ ” kusho Simakadze.

Joweli 2:25

“Ngitanikhokhela kuloko lokudliwe sikhonyane ngaleyo minyaka, loko lokwadliwa tibotfo nesigegedlana, nelifu letinkumbi, imphi yami lengayitfumela emkhatsini wenu.

Jona 3:9

Ngobe ngubani nje lowatiko, mhlawumbe Nkulunkulu angatisola ayiyekele lentfukutselo yakhe leyesabekako, kuze singabhubhi?’ ”

Malakhi 2:2

Naningalaleli, futsi naningatimiseli ngenhlitiyo yenu kutsi nihloniphe Libito lami, ngitanitfumelela sicalekiso, netibusiso tenu ngiticalekise. Yebo, vele sengiticalekisile, ngobe anikatimiseli enhlitiyweni yenu kutsi ningihloniphe,” kusho Simakadze longuSomandla.

Numeri 33:4

EmaGibhithe abengcwaba ematubulo awo onkhe labeshaywe nguSimakadze emkhatsini wawo; ngobe Simakadze abebehlulele bonkhe bonkulunkulu bawo.

Johane 9:24

Baphindza futsi kwesibili bayibita lendvodza lebeyiyimphumphutse batsi kuyo: “Ase unike Nkulunkulu ludvumo, ukhulume liciniso. Tsine siyati kutsi lomuntfu lona usoni.”

Joshuwa 7:19

Joshuwa wakhuluma ku-Akhani, watsi: “Ndvodzana yami, nika Simakadze ludvumo, ukhulume liciniso kuNkulunkulu wema-Israyeli, uvume kuye. Ngitjele kutsi wenteni, ungafihli lutfo kimi.”

Sembulo 11:13

Ngaso leso sikhatsi kwaba khona kutamatama lokukhulu kwemhlaba, incenye yelishumi yelidolobha yabhidlika. Kwafa bantfu lababeti-7 000 kuloko kutamatama, laba labanye batfutfumela badvumisa Nkulunkulu welizulu.

Sembulo 14:7

Yakhuluma ngelivi lelikhulu yatsi: “Yesabani Nkulunkulu, nimnike ludvumo, ngobe sikhatsi sekwehlulela kwakhe sesifikile; mkhonteni yena lowo lowenta lizulu nemhlaba, nelwandle, nemitfombo yemanti!”

Sembulo 16:9

Bantfu bashiswa kakhulu, badzimate bacalekisa libito laNkulunkulu lonemandla etikwaletinhlupho; kodvwa abazange baphendvuke badvumise nebukhosi bakhe.

1 Samuweli 5:11

Ngako bahlanganisa ndzawonye bonkhe babusi bemaFilisti, batsi: “Susani lelibhokisi lesivumelwane saNkulunkulu wema-Israyeli, libuyele emuva endzaweni yalo, ngobe litawubulala tsine kanye nesive sakitsi.” Phela, kufa kwase kufake kutfutfumela kulo lonkhe lidolobha. Sandla saSimakadze sase simatima kakhulu etikwalo.

1 Samuweli 5:9

Kodvwa atsi kube alisuse, sandla saSimakadze salivukela lelo dolobha, langenelwa kutfutfumela lokukhulu. Bantfu balo, labadzala nalabancane, bashaywa ngekubhedvuka kwematfumba.

1 Samuweli 6:8

Nitawutsatsa lelibhokisi lesivumelwane saSimakadze nilibeke kulencola, bese kutsi kulesilulu lesiseceleni kwalo nifake letintfo tegolide lenititfumela kuye, tibe ngumnikelo welicala. Niboyiyekela ihambe ngendlela yayo,