1 Samuweli 6:20 - Siswati 1996 Bible

²⁰ bantfu baseBhethi Shemeshi babuta batsi: “Ngubani longema ebukhoneni baSimakadze, loNkulunkulu longcwele? Lelibhokisi lesivumelwane litawuya kabani nalikhuphuka lapha?”

1 Samuweli 6:20 Referencias Cruzadas

2 Samuweli 6:7

Lulaka lwaSimakadze lwamvutsela Uza, ngenca yesento sakhe sekungahloniphi. Ngako Nkulunkulu wamshaya, wafa, wafela khona lapho eceleni kwelibhokisi lesivumelwane saNkulunkulu.

2 Samuweli 6:9

Ngalelo langa Davide wesaba Simakadze, wadzimate watsi: “Lingeta kanjani-ke libhokisi lesivumelwane kami?”

Tihlabelelo 76:7

Kodvwa uyesabeka, ngubani nje longema embikwakho, nase utfukutsele uvutsa lulaka?

Levithikusi 11:44

Mine nginguSimakadze longuNkulunkulu wenu; tehlukaniseleni mine, nibe ngcwele, ngobe nami matfupha ngingcwele. Ningatingcolisi nganome ngusiphi silwane lesihamba ngesisu.

Levithikusi 11:45

Yebo, nginguSimakadze lowanikhipha eGibhithe kutsi ngitewuba nguNkulunkulu wenu; ngako-ke banini ngcwele njengobe nami ngingcwele.

Malakhi 3:2

Kodvwa ngubani nje longamelana nelilanga lekufika kwakhe? Ngubani longema ekubonakaleni kwakhe? Ngobe uyawufanana nemlilo wemcengi nome nensipho yemgezi.

Lukha 5:8

Kodvwa Simoni Phetro abona loku, waguca ngemadvolo etinyaweni taJesu watsi: “Ncono usuke kimi, Nkhosi, ngobe mine ngingumuntfu losoni!”

Lukha 8:37

Sonkhe lesicumbi sebantfu baseGegesa samcela Jesu kutsi sale esuka kuleyo ndzawo, ngobe bonkhe befikelwa kwesaba lokukhulu. Ngako-ke Jesu wase ukhwela esikebheni, wahamba.

Sembulo 6:17

ngobe lilanga lelikhulu lelulaka labo selifikile. Ngubani longaba nemandla ekuma?”

1 Samuweli 5:7

Atsi kube emadvodza ase-Ashdodi akubone loko lekwase kwenteka, atsi: “Lelibhokisi laloNkulunkulu wema-Israyeli akufanele lihlale emkhatsini wetfu, ngobe sandla sakhe simatima etikwetfu nasetikwaDagoni, nkulunkulu wetfu.”