1 Samuweli 6:14 - Siswati 1996 Bible

¹⁴ Incola yefikela ensimini yakaJoshuwa eBhethi Shemeshi, yefika lapho yema eceleni kwalelikhulu lidvwala. Bantfu bakabha lamapulango lekwakwakhiwe ngawo lencola, banikela ngaletinkhomo, taba ngumnikelo wekushiswa kuSimakadze.

1 Samuweli 6:14 Referencias Cruzadas

2 Samuweli 24:18

Ngalelo langa Gadi waya kuDavide, wafike watsi: “Khuphuka uyekwakhela Simakadze lilati lena ebaleni lekubhulela kolo laka-Arawuna, umJebhusi.”

2 Samuweli 24:22

Arawuna wakhuluma kuDavide, watsi: “Nkhosi! Inkhosi yami ayitsatse nome yini leyitsandzako, iyinikele kuSimakadze. Nati tinkhabi tekwenta umnikelo wekushiswa, nati netihliphi tekubhula nemajoko etinkhabi kutsi abe tinkhuni.

2 Samuweli 24:25

Davide wase wakha lilati kuSimakadze khona lapho, wenta iminikelo yekushiswa neyebudlelwane. Simakadze wase uyawuva umthandazo lowawentelwa lelo live, lesifo lesase sicedze sive sema-Israyeli sancamuka.

1 Emakhosi 19:21

Ngako Elisha wamshiya, wancandzeka. Watsatsa letinkhabi letimbili watihlaba. Watsatsa lelijoko lekubophela walibasa, wapheka ngalo lenyama, wapha bantfu, badla. Wabe sewuyaphuma ulandzela Elija, waba ngumsiti wakhe.

Eksodusi 20:24

Ngenteleni lilati ngemhlaba, etikwalo ninikele umnikelo wekushiswa nemnikelo wekuthula, ngetimvu nangetinkhomo. Yonkhe indzawo lapho ngiyawukwenta kutsi libito lami lidvunyiswe khona, ngiyawuta kini nginibusise.

Tikhulu 21:4

Ekuseni ngakusasa bantfu bavuka bakha lilati, betfula khona iminikelo yekushiswa neminikelo yekuthula.

Tikhulu 6:26

bese wakha lilati sibili laSimakadze Nkulunkulu wakho esicongweni salendvundvuma. Sebentisa tinkhuni tensika ya-Ashera loyijubile ibe tinkhuni ekunikeleni inkunzi yesibili kutsi ibe ngumnikelo wekushiswa.”

1 Samuweli 11:5

Ngaleso sikhatsi Sawula abebuya emasimini, achuba tinkhabi takhe, wabuta watsi: “Kwente njani esiveni? Sive sikhalelani?” Base bamlandzisa ngako konkhe lokwakushiwo ngemadvodza aseJabeshi.

1 Samuweli 20:29

watsi: ‘Ase ngihambe, ngobe umndeni wakitsi wenta umhlatjelo edolobheni lawo, ngako umnaketfu utsite kufanele ngibe khona lapho. Nangabe ngizuze umusa kuwe, ngicela kutsi ungivumele ngiyewubona bomnaketfu.’ Ngiko nje angaketi lapha kutakudla nenkhosi.”

1 Samuweli 6:13

Bantfu baseBhethi Shemeshi babevuna kolo wabo esigodzini; batsi baphakamisa emehlo abo, babona libhokisi lesivumelwane, bajabula kakhulu nabalibona.

1 Samuweli 6:18

Linani lemagundvwane egolide lalilingana nelinani lemadolobha emaFilisti nebabusi bawo labasihlanu, emadolobha latinqaba akanye nemiti yawo yasemaphandleni. Lelidvwala lelikhulu lababeka kulo libhokisi lesivumelwane saSimakadze lingufakazi ngisho nalamuhla loku ensimini yakaJoshuwa eBhethi Shemeshi.