1 Samuweli 5:8 - Siswati 1996 Bible

⁸ Ngako ase abita bonkhe babusi bemaFilisti labasihlanu, atsi: “Sitakwenta njani ngalelibhokisi lesivumelwane saNkulunkulu wema-Israyeli?” Babusi bawaphendvula batsi: “Lelibhokisi lesivumelwane saloNkulunkulu wema-Israyeli lisuseni lapha kitsi niyekulibeka eGathi.” Ngako lelibhokisi lesivumelwane saNkulunkulu wema-Israyeli avele alisusa.

1 Samuweli 5:8 Referencias Cruzadas

1 Tikhronike 7:21

naZabadi, umsa wakhe, naShuthela, umsa wakhe. Bo-Ezeri na-Eleyadi babulawa ngesikhatsi batsi betama kuba tinkhomo tebantfu baseGathi.

Amose 6:2

Kutsiwa: “Hambani niye eKhalne, niye kuyibuka. Nibosuka lapho nicondze eHamathi lenkhulu, nisuke lapho nehlele eGathi yaseFilistiya! Nine nincono yini kunaleyo mibuso? Live labo lalilikhulu yini kunelenu?”

Zakhariya 12:3

Ngalelo langa, mhlazane tonkhe tive temhlaba tibutsene ndzawonye kutawumelana nayo, iJerusalema ngiyakuyenta ibe lidvwala lelisindzako kuto tonkhe tive. Bonkhe labetama kulisundvuta bayakutilimata bona.

Joshuwa 13:3

kusukela eMfuleni iShihori, emphumalanga neGibhithe, kuye eveni la-Ekroni ngasenyakatfo, lonkhe libalwa ngekutsi lemaKhenani, live lebabusi bemaFilisti labasihlanu eGaza, nase-Ashdodi, nase-Ashkeloni naseGathi, kanye nase-Ekroni kulema-Avi;

Joshuwa 15:11

Wawuhamba ucondze eceleni kweligcuma lelingasenyakatfo ne-Ekroni ujikele eShikheroni, wendlule ugudle iNtsaba iBhala ufike eJabniyeli. Umnyele wawugcina elwandle.

1 Samuweli 17:4

Ingwazi lekwakutsiwa nguGoliyathi libito layo, ingeyekuchamuka eGathi, yabonakala iphuma etichemeni temaFilisti. Yayiyindze iluhalakasha, ingetulu kwemamitha labengaba matsatfu.

1 Samuweli 17:52

Emadvodza aka-Israyeli newakaJuda asondzela nawo amemeta, asacosha emaFilisti, aze ayawuwangenisa eGathi nasemasangweni ase-Ekroni. Tinkhubela temaFilisti tatisakateke nawo wonkhe umgwaco waseSharayimu loya eGathi nase-Ekroni.

1 Samuweli 29:6

Ngako Akhishi wabita Davide, wamtjela watsi: “Kuphila kwaSimakadze, wena bewusetsembekile, nami bengingajabula kakhulu kuhamba nawe siyekulwa imphi. Kusukela ngelilanga lowefika ngalo kami kuze kube ngunyalo, angikaze ngasitfola sono kuwe, kodvwa noko tindvuna tami atikuvumeli wena kutsi uhambe natsi.

1 Samuweli 5:11

Ngako bahlanganisa ndzawonye bonkhe babusi bemaFilisti, batsi: “Susani lelibhokisi lesivumelwane saNkulunkulu wema-Israyeli, libuyele emuva endzaweni yalo, ngobe litawubulala tsine kanye nesive sakitsi.” Phela, kufa kwase kufake kutfutfumela kulo lonkhe lidolobha. Sandla saSimakadze sase simatima kakhulu etikwalo.

1 Samuweli 5:7

Atsi kube emadvodza ase-Ashdodi akubone loko lekwase kwenteka, atsi: “Lelibhokisi laloNkulunkulu wema-Israyeli akufanele lihlale emkhatsini wetfu, ngobe sandla sakhe simatima etikwetfu nasetikwaDagoni, nkulunkulu wetfu.”

1 Samuweli 6:2

emaFilisti abita baphristi netangoma, atsi: “Sitakwenta njani ngalelibhokisi laSimakadze? Sitjeleni kutsi sitalibuyisela kanjani endzaweni yalo.”