1 Samuweli 5:11 - Siswati 1996 Bible

¹¹ Ngako bahlanganisa ndzawonye bonkhe babusi bemaFilisti, batsi: “Susani lelibhokisi lesivumelwane saNkulunkulu wema-Israyeli, libuyele emuva endzaweni yalo, ngobe litawubulala tsine kanye nesive sakitsi.” Phela, kufa kwase kufake kutfutfumela kulo lonkhe lidolobha. Sandla saSimakadze sase simatima kakhulu etikwalo.

1 Samuweli 5:11 Referencias Cruzadas

Eksodusi 10:7

Tiphatsimandla taFaro takhuluma kuye, tatsi: “Kutawuze kube ngunini lomuntfu aluhlupho? Khulula labantfu bahambe, bayewukhonta Simakadze longuNkulunkulu wabo. Awuboni yini kutsi lelive laseGibhithe liyabhubha?”

1 Samuweli 5:10

Ngako lelibhokisi lesivumelwane saNkulunkulu alimikisa e-Ekroni. Latsi nje libhokisi lesivumelwane saNkulunkulu lisangena e-Ekroni, bantfu base-Ekroni bakhala batsi: “Sebaliletse lapha kitsi lelibhokisi laloNkulunkulu wema-Israyeli kutsi sitewubulawa tsine kanye nabo bonkhe bantfu bakitsi!”

1 Samuweli 5:6

Sandla saSimakadze saba matima kubantfu base-Ashdodi nakubomakhelwane bayo; wabaletsela imbhubhiso, wabashaya nangematfumba.

1 Samuweli 6:5

Bumbani imifanekiso yematfumba enu neyemagundvwane lekungatsi abhubhise lelive, nimnike ludvumo Nkulunkulu wema-Israyeli. Mhlawumbe uyakusiphakamisa sandla sakhe lesimatima etikwenu, nasetikwabonkulunkulu benu, nasetikwelive lenu.