1 Samuweli 4:18 - Siswati 1996 Bible

¹⁸ Watsi nje lomuntfu kube aphatse libito lelibhokisi lesivumelwane saNkulunkulu, Eli wawa sinyova esihlalweni sakhe lesasiseceleni kwelisango. Washumphuka intsamo, wafa, ngobe abesamdzala kakhulu futsi asindza. Abesahole sive sema-Israyeli iminyaka lengema-40.

1 Samuweli 4:18 Referencias Cruzadas

Tihlabelelo 26:8

Yebo, Simakadze, ngitsandza indlu lohlala kuyo, lapho kuhlala inkhatimulo yakho khona.

Tihlabelelo 42:10

Shangatsi kufohloteka ematsambo ami titsa natingihheletela lilanga lonkhe, titsi: “Kantsi uphi loNkulunkulu wakho?”

Tihlabelelo 42:3

Tinyembeti tami tikudla kwami busuku nemini, ngobe lilanga lonkhe bantfu bangichwephesha batsi: “Kantsi ushonephi loNkulunkulu wakho?”

Tihlabelelo 69:9

Ngidliwa kushisekela indlu yakho, tinhlamba talabakwetfukako tehlela etikwami.

Levithikusi 10:3

Mosi wakhuluma ku-Aroni watsi: “Simakadze abesho kona loku-ke ngesikhatsi atsi: ‘Ngiyawutibonakalisa ngingcwele kulabo labasedvute nami; ngiyawukhatimuliswa embikwabo bonkhe bantfu.’ ” Kodvwa Aroni wathula.

Tikhulu 15:20

Samsoni wahola sive sema-Israyeli iminyaka lengema-20 ngetikhatsi temaFilisti.

1 Samuweli 4:13

Watsi achamuka nje, nango Eli ahleti esihlalweni sakhe ngasemgwacweni, abheke elukhalweni, ngobe inhlitiyo yakhe yayincenekile ngelibhokisi lesivumelwane saNkulunkulu. Satsi nje lesigijimi singena emabaleni elidolobha, sabe silandzisa ngaloko lokwase kwentekile, lidolobha lonkhe latsi mpu umsindvo selikhala.

1 Samuweli 4:17

Lesigijimi samphendvula satsi: “Ema-Israyeli ehluliwe emphini, ehlulwa ngemaFilisti. Emabutfo akitsi abhujiswe kakhulu. Emadvodzana akho, boHofni naFinehasi, bafile, nelibhokisi lesivumelwane saNkulunkulu selitfunjiwe.”

1 Samuweli 4:19

Malukatane wa-Eli, umkaFinehasi, labesatetfwalele dvutane, watsi kube eve kutsi libhokisi lesivumelwane saNkulunkulu litfunjiwe, nekutsi uyisetala kanye nendvodza yakhe sebafile, wasikwa ngimihelo, wabeleka khona lapho, imihelo yamehlula.