1 Samuweli 4:16 - Siswati 1996 Bible

¹⁶ Lesigijimi satjela Eli satsi: “Ngiphunyule emphini khona lamhla loku, ngabaleka ngeta lapha.” Eli wabuta watsi: “Kwenteke njani, ndvodzana yami?”

1 Samuweli 4:16 Referencias Cruzadas

2 Samuweli 1:4

Davide wayibuta watsi: “Kwenteke njani? Ngitjele.” Yamphendvula yatsi: “Emadvodza abalekile ashiya imphi. Linyenti lawo ligwaziwe lafa. NaboSawula nemsa wakhe Jonathani bafile.”

Joshuwa 7:19

Joshuwa wakhuluma ku-Akhani, watsi: “Ndvodzana yami, nika Simakadze ludvumo, ukhulume liciniso kuNkulunkulu wema-Israyeli, uvume kuye. Ngitjele kutsi wenteni, ungafihli lutfo kimi.”

1 Samuweli 3:6

Waphindze Simakadze wamemeta watsi: “Samuweli!” Samuweli wavuka waya ku-Eli, wafike watsi: “Sengikhona, ngive ungibita.” Kodvwa Eli watsi: “Ndvodzana yami, angikakubiti; hamba uyewulala phansi.”

1 Samuweli 4:17

Lesigijimi samphendvula satsi: “Ema-Israyeli ehluliwe emphini, ehlulwa ngemaFilisti. Emabutfo akitsi abhujiswe kakhulu. Emadvodzana akho, boHofni naFinehasi, bafile, nelibhokisi lesivumelwane saNkulunkulu selitfunjiwe.”