1 Samuweli 30:15 - Siswati 1996 Bible

¹⁵ Davide wambuta watsi: “Ungangiyisa yini kubo labatfumbi?” Wamphendvula watsi: “Funga kimi embikwaNkulunkulu kutsi ungeke ungibulale nome unginikele kumnumzane wami, ngitawube sengiyakumikisa kubo.”

1 Samuweli 30:15 Referencias Cruzadas

Genesisi 24:3

Ngitekufungisa Simakadze longuNkulunkulu welizulu nemhlaba, kutsi ungacali utsatsele indvodzana yami umfati emkhatsini wemadvodzakati emaKhenani, lengihleti emkhatsini wawo.

Hezekeli 17:13

Yatsatsa lomunye wasebukhosini, yenta naye sivumelwane, yamfungisa. Yatfumba nebaholi balelo live,

Hezekeli 17:16

“ ‘Ngifunga kuphila kwami, uyawufela eBhabhulona, eveni laleyo nkhosi leyambeka esihlalweni sebukhosi, lowo lowedzelela sifungo sayo wephula nesivumelwane sayo, kusho iNkhosi Simakadze.

Hezekeli 17:19

“ ‘Ngako-ke naku lokushiwo yiNkhosi Simakadze, itsi: Ngifunga kuphila kwami, ngiyakwehlisela etikwenhloko yakhe lesifungo sami lasedzelele, kanye nalesivumelwane sami lasephulile.

Joshuwa 2:12

Manje-ke ngitsi fungani lapha kimi ngaSimakadze kutsi njengobe nami nginiphetse kahle, nani niyakungiphatsa kahle mine nemndeni wababe, ninginike luphawu lwesiciniseko,

Joshuwa 9:15

Joshuwa wavuma wase wenta sivumelwane sekuthula nawo sekutsi bawayekele aphile, nebaholi besive basicinisa ngekufunga.

Tikhulu 1:24

letinhloli tabona indvodza iphuma kulelidolobha, tase tikhuluma kuyo titsi: “Silayele kutsi singangena kanjani kulelidolobha, tsine siyawukunakekela sikuphatse kahle.”

1 Samuweli 29:6

Ngako Akhishi wabita Davide, wamtjela watsi: “Kuphila kwaSimakadze, wena bewusetsembekile, nami bengingajabula kakhulu kuhamba nawe siyekulwa imphi. Kusukela ngelilanga lowefika ngalo kami kuze kube ngunyalo, angikaze ngasitfola sono kuwe, kodvwa noko tindvuna tami atikuvumeli wena kutsi uhambe natsi.

1 Samuweli 30:14

Besihlasele iningizimu yemaKherethi neyelive lakaJuda, kanye neningizimu yelive lakaKhalebi, sashisa neSikilagi.”

1 Samuweli 30:16

Wamikisa Davide, wabakhandza bakhona lapho, basakateke nato tonkhe leto tikhotsa, badla, banatsa, batitika ngemphango, ngenca yebunyenti baloko lababekutfumbile eveni lemaFilisti nelakaJuda.