1 Samuweli 30:14 - Siswati 1996 Bible

¹⁴ Besihlasele iningizimu yemaKherethi neyelive lakaJuda, kanye neningizimu yelive lakaKhalebi, sashisa neSikilagi.”

1 Samuweli 30:14 Referencias Cruzadas

2 Samuweli 8:18

Bhenaya, umsa waJehoyada, abephetse emaKherethi nemaPhelethi, emadvodzana aDavide wona abeliqoqo.

1 Emakhosi 1:38

Ngako boSadoki, umphristi, naNathani, umphrofethi, naBhenaya, umsa waJehoyada, nemaKherethi kanye nemaPhelethi behla bagibelise Solomoni etikwemnyuzi wenkhosi Davide, bamsingatsa baya naye eGihoni.

1 Emakhosi 1:44

Inkhosi itfumele boSadoki, umphristi, naNathani, umphrofethi, naBhenaya, umsa waJehoyada, nemaKherethi kanye nemaPhelethi, bamgibelisa emnyuzini wayo inkhosi.

1 Tikhronike 18:17

Bhenaya, umsa waJehoyada, abephetse emaKherethi nemaPhelethi; emadvodzana aDavide wona abebeluleki lababesingatsa inkhosi.

Hezekeli 25:16

ngako-ke, naku lokushiwo yiNkhosi Simakadze, itsi: Sekusedvute kutsi ngelule sandla sami ngimelane nemaFilisti, ngitawacedza emaKherethi, ngiwabhubhise lawo lasesele kugudla lwandle.

Zefaniya 2:5

Nako kini lenihlala ngaselwandle, nine sive semaKherethi. Livi laSimakadze limelene nani, awu Khenani, live lemaFilisti. “Ngiyawunibhubhisa nonkhe, kute namunye loyawusala.”

Joshuwa 14:13

Ngako Joshuwa wabusisa Khalebi, umsa waJefune, wamabela iHebroni, yaba lifa lakhe.

Joshuwa 15:13

Ngekulandzela umyalo waSimakadze, Joshuwa wabela Khalebi, umsa waJefune, indzawo letsite kaJuda, iKhiriyathi Abha, lekuyiHebroni. Abha bekungukhokho wa-Anaki.

Joshuwa 21:12

Kodvwa emasimi nemiti leyayitungelete lelidolobha kwakunikwe Khalebi, umsa waJefune, kutsi kube sabelo sakhe.

1 Samuweli 25:3

Libito layo lendvodza bekunguNabali, kantsi umkayo bekungu-Abigayili. Lomkakhe abehlakaniphile amuhle, kodvwa lendvodza yayingumKhalebi losibheva lesibi.

1 Samuweli 30:1

Davide nelibutfo lakhe befika eSikilagi ngelilanga lesitsatfu. Ema-Amaleki abetselekele iNegevu neSikilagi, ayiphanga. Abefike ahlasela iSikilagi aphindze ayishisa ngemlilo,

1 Samuweli 30:13

Davide wambuta watsi: “Uwakabani wena, uwekuklezaphi?” Watsi: “NgingumGibhithe, sigcili salomunye um-Amaleki. Lomnumzane wami ungishiye lapha, nangicalwa kugula, kulamalanga lamatsatfu lendlulile.

1 Samuweli 30:15

Davide wambuta watsi: “Ungangiyisa yini kubo labatfumbi?” Wamphendvula watsi: “Funga kimi embikwaNkulunkulu kutsi ungeke ungibulale nome unginikele kumnumzane wami, ngitawube sengiyakumikisa kubo.”

1 Samuweli 30:16

Wamikisa Davide, wabakhandza bakhona lapho, basakateke nato tonkhe leto tikhotsa, badla, banatsa, batitika ngemphango, ngenca yebunyenti baloko lababekutfumbile eveni lemaFilisti nelakaJuda.