1 Samuweli 3:21 - Siswati 1996 Bible

²¹ Simakadze waphindze watibonakalisa eShilo; ngobe lapho Simakadze watembula kuSamuweli ngelivi laSimakadze.

1 Samuweli 3:21 Referencias Cruzadas

Genesisi 12:7

Simakadze wabonakala ku-Abrama, watsi: “Lelive ngiyawulinika titukulwane takho.” Abrama wakhela Simakadze lilati, ngobe abebonakele lapho kuye.

Genesisi 15:1

Emvakwaloko livi laSimakadze lefika ku-Abrama ngembono, latsi: “Abrama, ungesabi. Ngisihlangu sakho, umvuzo wakho utawuba mkhulu.”

Jeremiya 41:5

kwefika emadvodza langema-80 aphuma eShekhemu, naseShilo, naseSamariya. Abehhule tilevu tawo, aklebhule timphahla tawo, atisika emitimbeni yawo, etfwele iminikelo yalokutinhlavu nenhlaka atewukunikela endlini yaSimakadze.

Amose 3:7

Ngempela iNkhosi Simakadze kute lekwentako ingakayembuli inhloso yayo etincekwini tayo, baphrofethi.

Numeri 12:6

Simakadze watsi kubo: “Lalelani la kimi: Nakunemphrofethi lapha emkhatsini wenu, ngimi Simakadze lengitibonakalisa ngemibono kuye ngikhulume naye ngemaphupho.

Dutheronomi 29:10

“Lamuhla nonkhe nime lapha embikwaSimakadze Nkulunkulu wenu: baholi benu, netikhulu tenu, nalabadzala benu, netindvuna tenu, nawo onkhe emadvodza esive sema-Israyeli,

KumaHebheru 1:1

Endvulo Nkulunkulu wakhuluma kubokhokho betfu ngebaphrofethi, ngetikhatsi letinyenti nangetindlela letinyenti.

1 Samuweli 10:19

Kodvwa nyalo senimlahlile Nkulunkulu wenu lowanisindzisa kuto tonkhe tinhlupheko tenu netinhlungu tenu, nase nitsi: ‘Hhayi, sibekele inkhosi.’ Ngako-ke tetfuleni nine cobo lwenu embikwaSimakadze ngetive tenu, nangemindeni yenu.”

1 Samuweli 3:1

Umfana Samuweli abekhonta Simakadze ngaphansi kwa-Eli. Kulawo malanga livi laSimakadze lase lilivelakancane, nemibono yayingasekavami.

1 Samuweli 3:10

Simakadze wefika wema khona lapho, wamemeta njengakucala watsi: “Samuweli! Samuweli!” Samuweli wakhuluma watsi: “Khuluma, ngobe inceku yakho ilalele.”

1 Samuweli 3:4

Simakadze wabita Samuweli. Wasabela watsi: “Ngilapha.”

1 Samuweli 9:15

Kwakutsite ngayitolo, Sawula asengakefiki, Simakadze wembulela Samuweli ngaloku, watsi: