1 Samuweli 3:19 - Siswati 1996 Bible

¹⁹ Simakadze waba naSamuweli asakhula, wangete wavumela ngisho nalinye livi lakhe kutsi liwele phansi.

1 Samuweli 3:19 Referencias Cruzadas

Genesisi 21:22

Ngaso leso sikhatsi Abimeleki waya ku-Abrahama ahamba naPhikoli, indvuna yemabutfo akhe, wafike watsi: “Nkulunkulu unawe kuko konkhe lokwentako.

Genesisi 28:15

Ukhumbule kutsi ngitawuba nawe ngikulondvolote nome uyaphi, ngikubuyise kulo lelive. Ngobe ngingeke ngikushiye ngingakakwenti loku lesengikwetsembise kona.”

Genesisi 39:2

Simakadze waba naJosefa wamphumelelisa kuko konkhe. Josefa abehlala kalomnumzane waseGibhithe.

Genesisi 39:3

Nalomnumzane wabona kutsi Simakadze abenaJosefa nekutsi Simakadze abekwenta kuchume konkhe lokuke kwaphatfwa tandla taJosefa.

1 Emakhosi 8:56

“Ludvumo alube kuSimakadze, lonikete kuphumula nekuthula esiveni sakhe, ema-Israyeli, njengobe asetsembisa. Kute nalinye livi lelisilele kuto tonkhe tetsembiso takhe letinhle latetsembisa ngenceku yakhe, Mosi.

2 Emakhosi 10:10

Yatini-ke kutsi kute nalinye livi lalikhulumile Simakadze ngendlu ya-Ahabi leliyakuwela phansi. Simakadze ukwentile loko lakwetsembisa ngenceku yakhe Elija.”

2 Emakhosi 15:12

Ngaloko kwagcwaliseka livi laSimakadze lalikhuluma kuJehu litsi: “Situkulwane sakho siyawuhlala esihlalweni sebukhosi saka-Israyeli kuze kube ngusesitukulwaneni sesine.”

2 Emakhosi 22:16

‘Naku lokushiwo nguSimakadze, utsi: Ngitakwehlisela inhlekelele kulendzawo nakubantfu bayo, kuye njengobe kubhaliwe kulencwadzi lefundvwe yinkhosi yakaJuda.

Isaya 43:2

Nawudzabula ekhatsi emantini, mine ngitawuba nawe; nanawudzabula ekhatsi emifuleni, ingeke ikukhukhule. Nawuhamba udzabula ekhatsi emlilweni, ngeke ushe, emalangabi ngeke akulumekele.

Isaya 44:26

Ngimi lofeza emavi etinceku takhe, aphumelelise tiphrofetho tetitfunywa takhe, lotsi ngeJerusalema: ‘Itawuhlalwa bantfu,’ nangemadolobha akaJuda atsi: ‘Atakwakhiwa,’ nangetindzala tawo atsi: ‘Ngitativusetela.’

Isaya 55:11

linjalo-ke nelivi lami leliphuma emlonyeni wami: Lingeke libuye kimi yabayaba, kodvwa liyawukwenta loko lengikuhlosile, liwufeze umgomo walo lengilikhiphele wona.

Matewu 1:23

“Bheka, intfombi iyawukhulelwa itale indvodzana, libito layo kuyawutsiwa ngu-Imanuweli,” lokusho kutsi: “Nkulunkulu unatsi.”

Lukha 1:28

Ingilosi yeta kuye, yefika yatsi: “E! Sikhulekile! Wena lobusisekile, iNkhosi inawe.”

Lukha 1:80

Umntfwana wakhula waba nemandla emoyeni; wahlala ehlane, kwaze kwaba lilanga lavela ngalo ebaleni kubantfu baka-Israyeli.

Lukha 2:40

Umntfwana wakhula waba nemandla; wagcwala inhlakanipho; umusa netibusiso taNkulunkulu tabasetikwakhe.

Lukha 2:52

Jesu wakhula emtimbeni nasengcondvweni, watsandvwa nguNkulunkulu nebantfu.

2 kubaseKorinthe 13:11

Kwekugcina-ke bazalwane, ngitsi: Salani kahle. Lungisani imihambo yenu, netsabele kwemukela imiyalo, nivumelane, nihlalisane ngekuthula, khona Nkulunkulu wekuthula newelutsandvo atewuba nani.

Dutheronomi 18:22

Nangabe loko lokushiwo ngulowo mphrofethi ngelibito laSimakadze kungenteki nome kungabi liciniso, kuyawuvele kubonakale kutsi lowo mlayeto akusiwo lovela kuSimakadze. Lowo mphrofethi abetikhulumela nje; ngako ningamesabi.”

2 kuThimothi 4:22

INkhosi ayibe nemoya wakho. Umusa awube nani.

Joshuwa 21:45

Kute nome sinye setsembiso lesingazange sifezeke emkhatsini wato tonkhe tetsembiso letinhle latenta endlini yaka-Israyeli; tonkhe tagcwaliseka.

Tikhulu 13:24

LomkaManowa watala indvodzana, wayetsa libito watsi nguSamsoni. Wakhula, Simakadze wambusisa,

1 Samuweli 10:7

Nase kwentekile konkhe loko, ubobe sewenta loko sandla sakho lesifinyelela kukwenta, ngobe Nkulunkulu unawe.

1 Samuweli 12:2

Manje-ke seninenkhosi lengumholi wenu. Mine-ke sengimdzala, futsi sengimphunga, emadvodzana ami nankha embikwenu. Bengingumholi wenu kusukela ebusheni bami kuze kube ngulamuhla.

1 Samuweli 16:18

Lenye yetinceku yaphendvula yatsi: “Ngibone indvodzana yaJese waseBhetlehema lenelikhono ekudlaleni ihabhu. Uyindvodza lenesibindzi, futsi uyingwazi. Ukhuluma kahle futsi, ulikhwa, naSimakadze unaye.”

1 Samuweli 18:12

Sawula abesamesaba loDavide, ngobe Simakadze abenaDavide asasukile kuSawula.

1 Samuweli 18:14

Kuko konkhe labekwenta Davide abeba nemphumelelo, ngobe Simakadze abenaye.

1 Samuweli 18:5

Konkhe Sawula labemtfuma kona Davide abekwenta aphumelele kangangekutsi Sawula wadzimate wamnika sikhundla sekutsi aphatse emabutfo emphi. Loko kwasijabulisa sonkhe sive kanye netindvuna takhe Sawula.

1 Samuweli 2:21

Simakadze wentela Hana umusa, wakhulelwa, watala bantfwana: emadvodzana lamatsatfu nemadvodzakati lamabili. Umfana longuSamuweli abesolomane achubeka akhula embikwaSimakadze.

1 Samuweli 2:26

Umfana Samuweli wachubeka wakhula ngesicu semtimba nasekutsandvweni nguSimakadze nasekutsandzekeni kubantfu.

1 Samuweli 9:6

Kodvwa lesisebenti saphendvula satsi: “Ase ubuke la, kulelidolobha kunemuntfu waNkulunkulu, uhlonishwa kakhulu, konkhe lakushoko kuba liciniso, futsi kwenteke. Asambe siye khona nyalo. Mhlawumbe angahle asitjele kutsi kufanele sibheke ngakuphi.”